आश्रम मन म अध्यनरत लइका मन के हर महिना टेस्ट लेहे के निर्देश
14 जिला मन म 16 नवा एकलव्य विद्यालय स्वीकृत
रायपुर, आदिम जाति अउ अनुसूचित जाति विकास मंत्री डॉ. प्रेमसाय सिंह टेकाम ह महानदी भवन मंत्रालय म काल नौ घंटा के मैराथन बैठक म जिला मन म पदस्थ परियोजना प्रशासक अऊ सहायक आयुक्त मन के बैठक लेके करीबन डेढ़ दर्जन बिन्दु म विस्तार ले विभागीय काम-काज के समीक्षा करिन। बैठक म बताइए गीस कि छत्तीसगढ़ राज्य के 14 जिला मन म 16 नये एकलव्य विद्यालय स्वीकृत होए हे।
डॉ. सिंह ह कहिन कि छात्रावास अउ आश्रम मन म प्रवेश के समय ही लइका मन के स्वास्थ्य के प्रारंभिक जांच कर लेहे जाय। स्वास्थ्य के मामला म कोनो प्रकार के लापरवाही नइ होना चाही। ’स्वस्थ्य तन स्वस्थ्य मन’ योजना के अंतर्गत हर एक महिना म दू पईत लइका मन के स्वास्थ्य परीक्षण करे जाए।
