रायपुर, मुख्यमंत्री श्री भूपेश बघेल आज रायपुर जिला के अभनपुर के तिर के गांव छछानपैरी म स्वर्गीय श्री आशा राम डहरिया के अंत्येष्टि म सामिल होइन। ए अवसर म राज्य सभा सांसद श्री पी. एल. पुनिया संग मंत्री सर्व श्री ताम्रध्वज साहू, जयसिंह अग्रवाल, विधायक सर्व श्री सत्यनारायण शर्मा, अमितेश शुक्ल संग बड़ संख्या म जनप्रतिनिधिगण, समाज के सदस्य अउ नागरिकगण उपस्थित रहिन।
हम आप ल बता देवन के श्री आशा राम डहरिया, राज्य शासन के नगरीय प्रशासन अऊ श्रम मंत्री डॉ. शिव कुमार डहरिया के पिता रहिन। ओ मन 81 साल के रहिन अउ अस्वस्थ रहिन। मुख्यमंत्री ह एखर पहिली ऊंखर निवास पहुंचके स्वर्गीय श्री डहरिया के परिवारजन मन ले मुलाकात करिन अऊ अपन संवेदना प्रकट करिन। उमन स्वर्गीय श्री डहरिया के पार्थिव शरीर म पुष्प अर्पित कर अपन श्रद्धांजलि दीन दिवंगत आत्मा के शान्ति बर ईश्वर ले प्रार्थना करिन।
