अशोक पाण्डेय ल मिलिस व्यक्तिगत वन अधिकार पट्टा, खेती-किसानी मजबूत होय ले जिनगी म आइस खुशहाली

CHHATTISGARHI NEWS: कोरिया, जिला के विकासखण्ड पोड़ी-बचरा अंतर्गत बंजारीडांड़ गांव के श्री अशोक कुमार पाण्डेय के जीवन म व्यक्तिगत वन अधिकार पट्टा मिले के बाद सकारात्मक अउ स्थायी बदलाव आए हे। कइ बछर ले जे भुइंया म वो खेती करत आवत रहिस, वो भुइंया के कानूनी स्वामित्व वोला मिले के सेती ओखर परिवार आज सुरक्षित, खुशहाल अउ आत्मनिर्भर जिनगी जीयत हे।
श्री अशोक कुमार पाण्डेय ला शासन के योजना के तहत एक हेक्टेयर भूमि के व्यक्तिगत वन अधिकार मान्यता पत्र मने पट्टा प्रदान करे गीस। एखर पहिली ये भूमि वन विभाग के अभिलेख म दर्ज होय के सेती ओला बेदखली के आशंका बन रहय। कइ बछर ले काबिज होय के प्रमाण अउ आवश्यक दस्तावेज के आधार म राज्य सरकार कोति ले ओला ये पट्टा देहे गीस, जेकर से ओखर भविष्य के चिंता दूर होगे हे।
श्री पाण्डेय बताइस के वो लंबा समय से धान की खेती करत हे। पट्टा मिले के बाद ओ ह पूरा मेहनत अउ लगन ले खेती ला आगे बढ़ाइस। वर्तमान म वो ये भुइंया म धान, गेहूं अउ उड़द के फसल लेवत हे। अभी ओ ह लगभग धान चालिस कुंटल, गेहूं पंद्रा कुंटल अउ उड़द पांच कुंटल के उपज प्राप्त करे हे, जेकर से ओखर परिवार के आय म उल्लेखनीय वृद्धि होए हे।
परिवार म ओखर पत्नी अउ दू झन लइका हे, जे नियमित रूप से शिक्षा प्राप्त करत हे। आर्थिक स्थिति म सुधार आए के सेती परिवार अब निश्चिंत होके जिवन यापन करत हे। शासन के योजना के तहत ओ ह तालाब अउ ट्यूबवेल के निर्माण घलो कराए हे, जेकर से सिंचाई के सुविधा बाढ़े हे। जिला आदिवासी विकास विभाग कोति ले प्राप्त जानकारी के अनुसार श्री अशोक कुमार पाण्डेय अब भूमिहीन किसान के श्रेणी ले बाहर आ चुके हे।