अंबिकापुर, 19 जुलाई 2024। श्री अयोध्या धाम श्री रामलला के दर्शन बर राज्य भर के राम भक्त मन के जत्था सरलग अयोध्या बर पहुंचत हें। इही कड़ी म श्री रामलला दर्शन योजना के तहत अंबिकापुर के रेलवे स्टेशन ले अयोध्या जवइया विशेष ट्रेन ले जशपुर जिला के 200 श्रद्धालु मन के टोली संग सरगुजा संभाग के 800 ले जादा राम भक्त मन रवाना होइन। इहां जशपुर के विधायक श्रीमती रायमुनी भगत संग आन जनप्रतिनिधि मन ह श्रद्धालुओं ल अंबिकापुर बर जनपद कार्यालय ले सबो ल तिलक लगाके अऊ पुष्प वर्षा करके रवाना करिन।
ए बेरा म विधायक श्रीमती भगत ह श्री रामलला दर्शन बर रवाना होवत सबो श्रद्धालु मन ल सकुशल यात्रा के शुभकामना देवत कहिन कि प्रदेश के मुखिया श्री विष्णु देव साय ह श्री रामलला दर्शन योजना के तहत श्रद्धालु मन ल यात्रा, भोजन, अयोध्या म रूके अउ आन सबो प्रकार के बेहतर व्यवस्था करे हे, सब निसफिकिर दर्शन करे जावंय।
सरगुजा ले आस्था स्पेशल ट्रेन ले जशपुर जिला के 200 दर्शनार्थी पहुंचहीं अयोध्या
