बस्तर आईजी ह नक्सली मन ल गोली सप्लाई करइया एएसआई अउ हेड कांस्टेबल ल करिस बर्खास्त

जगदलपुर, 12 जून 2020। नक्सली मन ल गोली सप्लाई करइया पुलिस के दुनो जवान मन ल नौकरी ले बर्खास्त कर दे गे हे. बस्तर आईजी सुंदरराज पी. ह दुनो आरोपी एएसआई आनंद जाटव अउ प्रधान आरक्षक सुभाष सिंह के खिलाप कार्रवाई करत ओ मन ल बर्खास्त कर दे गे हे. दुनो जवान सुकमा जिला म पदस्थ रहिस अउ इंखर मन उपर नक्सली मन ल गोली बारूद सप्लाई करे के आरोप म एमन ल गिरफ्तार करे गे रहिस. आप मन ल बता देथन कि बीते दिन म सुकमा म 700 कारतूस के संग 4 लोग मन ल पुलिस ह गिरफ्तार करे रहिस. मामला म 9 सदस्यीय एसआईटी गठित कर जांच करे गिस. जांच म खुलासा होइस कि नक्सली मन ल गोली बारूद सप्लाई करे म एएसआई अउ  जवान के अहम भूमिका रहिस.