रायपुर, मुख्यमंत्री श्री विष्णुदेव साय ले ऊंखर निवास कार्यालय म एशियन अफ्रीकन पैसिफिक पावरलिफ्टिंग चैंपियनशिप (Asian African Pacific Powerlifting Championships) के स्वर्ण पदक विजेता सुश्री नमी राय पारेख ह मुलाकात करिन। मुख्यमंत्री श्री साय ल रायपुर के रहवइया सुश्री नमी राय पारेख ह बताइस के 05 ले 13 जुलाई तक जापान के हिमेजी म एशियन पॉवरलिफ्टिंग एसोसिएशन कोति ले एशियन अफ्रीकन पैसिफिक पावरलिफ्टिंग चैंपियनशिप के आयोजन करे गए रहिस। ए चैंपियनशिप म वो ह 57 किलोग्राम डेडलिफ्ट वर्ग म स्वर्ण पदक हासिल करे हे।
मुख्यमंत्री श्री विष्णुदेव साय ह सुश्री नमी राय पारेख ल एशियन अफ्रीकन पैसिफिक पावरलिफ्टिंग चैंपियनशिप म स्वर्ण पदक हासिल करे म बधाई दीन। उमन कहिन के तै ह अपन मेहनत अऊ समर्पण ले छत्तीसगढ़ के मान बढ़ाए हस। प्रदेश के बेटी मन ल तोर के उत्कृष्ट उपलब्धि ले प्रेरणा मिलही। ए बेरा म श्री अंजय शुक्ला, श्री अंजिनेश शुक्ला, श्री सनी पारेख संग आन गणमान्यजन उपस्थित रहिन।
मुख्यमंत्री ले एशियन अफ्रीकन पैसिफिक पावरलिफ्टिंग चैंपियनशिप के स्वर्ण पदक विजेता सुश्री नमी राय पारेख ह करिन मुलाकात
