अस्पताल प्रबंधन बीमारी के गंभीरता के आधार म मरीजन ल अस्पताल म बिस्तर उपलब्ध करवयं न कि कोनो सिफारिश या दबाव म – मुख्यमंत्री दाउ बघेल

रइपुर.7 अप्रैल 2021 बुधवार। मुख्यमंत्री दाउ भूपेश बघेल ह आज कइयो ठिन समाज के प्रमुख अउ सामाजिक संगठन मन ले वीडियो कॉन्फ्रेंस ले होए चर्चा के दौरान स्वास्थ्य विभाग के वरिष्ठ अधिकारी मन ल निर्देशित करीन कि उन्मन कोरोना संक्रमण के गंभीरता के हिसाब से मरीज मन ल अस्पताल म बिस्तर उपलब्ध करवाए के प्रक्रिया निर्धारित करयं। उन्मन कहीन कि मरीज मन ल कोनो सिफारिश या दबाव के आधार म बिस्तर झन उपलब्ध कराय जावय। एकर ले केवल जरूरतमंद मरीज मन ल ही बिस्तर उपलब्ध हो सकही अउ अनावश्यक रूप ले कोनो बिस्तर नइ ले सकही । दाउ बघेल ह कहीन कि ऑक्सीजन वाले बिस्तर अउ वेंटिलेटर तक एकर वास्तविक जरूरत वाले मरीज मन के पहुंच सुनिश्चित करयंं। अइसन मरीज जेमन ल ऑक्सीजन सुविधा के आवश्यकता नइ हइे उनमन ल कोविड केयर सेंटर्स या सामान्य बिस्तर म भर्ती करके इलाज उपलब्ध करावयं। मुख्यमंत्री ह कहीन कि प्रदेश म कोविड वैक्सीनेशन काफी तेजी ले होवत हावय। कोरोना जांच के संख्या तको सरलग बढ़ाए जावत हे। प्रदेश के पॉजिटिविटी दर अउ रोजेच होवत मउत मन चिंताजनक हे। उन मन लोगन ले अपील करीन हावय कि वे अनावश्यक घर ले बाहिर झन निकलै। खरीदारी बर परिवार के सदस्य मन संग म झन लेगयं अकेल्लेच जावयं। तीर —तखार म कोरोना संक्रमित मिले म उन्कर सही मार्गदर्शन करयं अउ आवश्यक सावधानी मन के बारे म जागरूक करयं।