कोण्डागांव, जिला के दिव्यांग मन ल समाज कल्याण विभाग कोति ले कई ठन सहायक उपकरण देहे जाथे। एखर तहत् मंगल के दिन जिला के माकड़ी विकासखण्ड के तीन हितग्राही मन ल जिला पंचायत अध्यक्ष देवचंद मातलाम ह बैटरी चलित ट्रायसाईकल दीस। समाज कल्याण विभाग के कार्यालय म आयोजित कार्यक्रम म जिला पंचायत अध्यक्ष ह हितग्राही मन ले बात करके ऊंखर व्यवसाय अऊ काम मन के संबंध म जानकारी लीन संगेच ओ मन ल प्रेरित घलोक करिन। ये बेरा म माकड़ी विकासखण्ड के ग्राम जोंदरा निवासी अमिता मरकाम, संतलाल, सोनाबेड़ा निवासी जगन्नाथ ल मोटराइज्ड ट्रायसाईकल प्रदान करे गीस। सबो हितग्राही मन ट्रायसाईकल के संग सुरक्षा बर हेल्मेट मिले म हर्ष जतात जिला प्रशासन ल साधुवाद दीन।
ये संबंध म उप संचालक समाज कल्याण ललिता लकड़ा ह बताइस कि 80 प्रतिशत ले जादा दिव्यांगता वाले हितग्राही मन ल बैटरी चलित ट्रायसाईकल प्रदान करे गए हे। अकतहा 80 प्रतिशत ले कम दिव्यांगता म ट्रायसाईकल प्रदान करे जाथे। एखर अलावा आन प्रकार के दिव्यांगता म घलोक सहायक उपकरण विभाग कोति ले प्रदान करे जाथे।
जिला पंचायत अध्यक्ष ह 03 दिव्यांग मन ल दीस बैटरी चलित ट्रायसाईकल
