एमसीबी के कुन्ती सिंह के लइका बर अटल उत्कृष्ट शिक्षा योजना बनिस वरदान, मजदूरी करइया परिवार के लइका ला मिलत हे नि:शुल्क आवासीय शिक्षा

CHHATTISGARHI NEWS: मनेंद्रगढ़-चिरमिरी-भरतपुर (एमसीबी) gurturgoth, जिला के ग्राम महाराजपुर दर्रीटोला के रहवइया मेहनतकश महिला श्रीमती कुन्ती सिंह बर अटल उत्कृष्ट शिक्षा योजना जिनगी म नवा भरोसा जगाए हावय। पति दिनेश सिंह के संग मजदूरी करके परिवार चलइया कुन्ती सिंह के अपन बेटा ला बढ़िया शिक्षा देवाए के सपना रहिस, फेर आर्थिक स्थिति कमजोर होए के सेती ए रस्ता आसान नइ रहिस। श्रम विभाग म पंजीयन होए के सेती ओखर लइका ला अटल उत्कृष्ट शिक्षा योजना के लाभ मिलिस, अउ योजना के तहत ओखर बेटा ला नि:शुल्क आवासीय शिक्षा के सुविधा मिल गे हावय।
ए योजना के आए ले कुन्ती सिंह के ऊपर से लइका के पढ़ाई के आर्थिक बोझा पूरा कम होगे हावय। पढ़ाई अउ रहे के सुग्घर व्यवस्था मिल जाए ले ओखर बेटा मन लगाके पढ़त हावय, जेकर से कुन्ती सिंह के आत्मविश्वास अउ उम्मीद बाढ़ गे हावय। अपन लइका ला मिले ए सुग्घर अवसर बर कुन्ती सिंह श्रम विभाग अउ मुख्यमंत्री विष्णु देव साय के प्रति हृदय से आभार व्यक्त करत कहिथे के ए योजना गरीब परिवार मन के लइका मन के भविष्य ला संवारे म बहुत बड़ा मदद करत हावय, अउ एखर से ओखर जिनगी के बड़का चिंता दूर होगे हावय।