स्वामी आत्मानंद उत्कृष्ट स्कूल मन में लाखों बेटा-बेटी मन के जिंदगी संवरत हे

3 लाख 90 हजार लईका मन ल मिलत हे उत्कृष्ट शिक्षा
रायपुर, 4 अगस्त 2023
मुख्यमंत्री श्री भूपेश बघेल के परिकल्पना अब साकार होवत हे प्रदेश के स्वामी आत्मानंद उत्कृष्ट अंग्रेजी अउ हिंदी माध्यम स्कूल ले लाखों बेटा, बेटी के जिन्दगी संवरत हे। जेकर लाभ सुदूर वनांचल हो चाहे मैदानी जिला में आधुनिक शिक्षा के उजली तस्वीर देखे ब मिलत हे। प्रदेश में वर्तमान सत्र 2023-24 मे 377 अंग्रेजी माध्यम उत्कृष्ट विद्यालय अउ 349 हिंदी माध्यम विघालय कुल 726 स्कूल संचालित करे जाथ हे। स्कूल में 1 लाख 70 हजार लईका मन अंग्रेजी माध्यम अउ 2 लाख 20 हजार लईका मन हिन्दी माध्यम में पढ़ाई करत हे। राज्य सरकार के पहल ले आज सुदूर अंचल के लईका मन ल घलो अंग्रेजी माध्यम स्कूल में खेले ब बढ़िया मैदान, आधुनिक प्रयोगशाला, पुस्तकालय, जइसे सुविधा के लाभ मिलत हे। मुख्यमंत्री श्री भूपेश बघेल ह शासकीय अंग्रेजी माध्यम स्कूल खोल के अनेक पालक मन के आर्थिक बोझ ल कम कर दिए हे जेकर से माता पिता के चिन्ता दूरिहा हो गईस हे। आज अंग्रेजी माध्यम स्कूल में पढ़ाई करके लईका मन अपन प्रतिभा निखारत हे। मुख्यमंत्री ह आर्थिक रूप ले कमजोर लईका मन के आत्मविश्वास अउ स्वाभिमान बढ़ाइस हे।
अंग्रेजी विद्यालय में अध्ययनरत विद्यार्थी मन ह बोर्ड परीक्षा में मेरिट मे अपन स्थान बनाए हे। ए स्कूल मन में स्मार्ट क्लास, सुंदर भवन मार्डन पुस्तकालय, खेल मैदान, उत्कृष्ट प्रयोगशाला लैब आदि के बेहतर संचालन करे जाथ हे। जेकर से प्रदेश म शासकीय स्कूल के प्रति लईका मन अउ अभीभावक मन के बीच म लोकप्रियता बाढ़ीस हे। छत्तीसगढ़ सरकार ह शिक्षा के क्षेत्र में निजी अउ सरकारी स्कूल के बीच के अंतर ल कम करे अउ लईका मन के बराबरी के अवसर देहे ब ए योजना सुरू करिस हे।