बिलासपुर, 5 अक्टूबर 2020। पति-पत्नी उपर धारदार हथियार ले हमला करे के मामला आगू आय हे, जेमा पति के मउका म मउत होगे, उहें पत्नी गंभीर रूप ले घायल होगे हे। घटना के सूचना मिलत ही पहुचीस सरकंडा पुलिस फॉरेंसिक, फिंगरप्रिंट एक्सपर्ट अउ डॉग स्क्वायड के संग मामला के गुत्थी सुलझाय म जुटे हे।
घटना सरकंडा थाना क्षेत्र के चिल्हाटी के हरे, जहां सेंट्रिंग ठेकेदारी के काम करइया तिरिथ राम यादव अपन पत्नी के संग रहत रिहिन, बीते रात दुनों खाना खाके सोगे, जेखर बाद सोमवार के बिहनिया पड़ोसी मन ह घर के आगू तीरथ यादव के खून ले सने लाश देखिस उहें घर के अंदर मृतक के पत्नी घलो घायल अवस्था म तड़पत मिलीस। लोगन ह घटना के सूचना तत्काल पुलिस ल देत हुए घायल महिला ल हॉस्पिटल म भर्ती कराय गीस।
