राज्य म अवैध धान के आवाजाही रोके खातिर प्रशासन सजग, प्रदेश के सीमा वाले चेकपोस्ट मन म कड़क निगरानी

जसपुर, प्रदेश म समर्थन मूल्य म धान खरीदी के संग कुछ क्षेत्र मन म अवैध धान परिवहन के संभावना मन ल रोके खातिर राज्य भर म प्रशासन सख़्त हो गए हे। इही कड़ी म जशपुर जिला कलेक्टर के हुकुम म राजस्व विभाग के टीम ह जशपुर जिला के झारखंड सीमा ले लगे चेकपोस्ट मन म देर रात उदुपहा जांच करके व्यवस्था मन के गहन समीक्षा करिन।
निरीक्षण दल म तहसीलदार जयश्री राजनपथे, नायब तहसीलदार अरुण कुमार, फूड इंस्पेक्टर आलोक टोप्पो, मंडी निरीक्षक, राजस्व निरीक्षक अऊ पटवारी सामिल रहिन। टीम ह भलमंडा, सकरडेगा अऊ साईंटांगाटोली चेकपोस्ट मनन के दौरा करिन, जिहां सुरक्षा व्यवस्था, निगरानी तंत्र अऊ वाहन चेकिंग प्रक्रिया ल परखे गीस। संभावित अवैध धान परिवहन ल रोके खातिर मौके म ही अधिकारी मन ल जरूरी निर्देश देहे गीस।