- जिला प्रशासन ह वीआईपी रोड ले लगे टेमरी गांव म 4 एकड़ रकबा ले हटाये गीस अवैध प्लाटिंग
- एसडीएम के सियानी म राजस्व विभाग के टीम ह 10 मनखे मन उपर दर्ज करे गीस प्रकरण
- कॉलोनाइजर अधिनियम के तहत होही कार्रवाई
रायपुर, अवैध प्लाटिंग ल रोके बर बुधवार के दिन राजधानी रायपुर ले लगे टेमरी गांव म जिला प्रशासन के टीम ह फेर बड़े कार्रवाई करे हे। राजस्व विभाग के टीम ह टेमरी ग्राम म करीबन 4 एकड़ अवैध प्लाटिंग करके उहां बनाय गेए रोड़ ल तोड़त 10 मनखे मन म अवैध प्लाटिंग के प्रकरण दर्ज करे गीस।
रायपुर के अनुविभागीय अधिकारी राजस्व श्री संदीप अग्रवाल के नेतृत्व म राजस्व विभाग के टीम ह राजधानी रायपुर के वी.आई.पी. रोड ले लगे टेमरी ग्राम म अवैध प्लाटिंग के विरूद्ध कड़ी कार्रवाई करे हें। धरसींवा विकासखण्ड अंतर्गत अवइया ए टेमरी गांव म अवैध प्लाटिंग के शिकायत मिलत रहिस। जेकर बाद म एसडीएम कोति ले संबंधित मन ल नोटिस जारी करे गए रहिस फेर निरधारित समयावधि म नोटिस के संतोषजनक जबाव नइ देहे म आज एसडीएम के नेतृत्व म राजस्व विभाग के टीम मौका म पहुंचके अवैध प्लाट म बनाए गए रद्दा ल जेसीबी मशीन ले तोड़े गीस।
अनुविभागीय अधिकारी श्री संदीप अग्रवाल ह बताइस कि ग्राम पंचायत कान्दुल म 10 मनखे मन ले करीब 4 एकड़ रकबा म अवैध प्लाटिंग करे गए रहिन जेकर उपर जरूरी कार्रवाई करत ओला हटाए गए हे अऊ प्रकरण दर्ज कर ले गए हे जिंकर उपर कालोनाइजर अधिनियम के तहत जरूरी कार्रवाई करे जाही।
आज जऊन दस मनखे मन उपर कार्रवाई करे गए हे ओमां 225/12, 0.101 हे. राजेश कुमार पिता सत्येन्द्र मोह मिश्रा, 225/13, 0.061 हे. राजेश कुमार पिता सत्येन्द्र मोह मिश्रा, 225/17, 0.097 हे. बहूर लाल पिता छेदीलाल, 225/18, 0.105 हे. चंदूलाल पिता छेदीलाल, 225/19, 0.097 हे. चंदूलाल पिता छेदीलाल, 225/20, 0.166 लक्ष्मण पिता गयाराम, 227/1, 0.142 जोहन पिता रामलाल, 227/2, 0.142 रामखिलावन पिता रामाधीन, 227/3, 0.142 मुकेश यादव पिता राधेश्याम, 227/4, 0.142 पियूष पिता ओंकार यादव, 227/5, 0.113 हे. रामखिलावन पिता रामाधीन, 227/6, 0.057 हे. मुकेश पिता राधेश्याम यादव, 227/7, 0.053 हे. पियूष पिता ओंकार यादव अऊ 227/8, 0.178 हे. जोहन पिता रामलाल सामिल हे।
