बेचे खातिर दारू लेजत युवक गिरफ्तार

रायगढ़, 13 मई 2024। पुलिस चौकी खरसिया के पेट्रोलिंग ल मुखबीर ले मिले सूचना म आरोपित अमित मांझी पिता तेरसराम मांझी उमर 26 साल साकिन मदनपुर चौकी खरसिया जिला रायगढ़ ल पकड़े गए हे। वो ह अवैध ब्रिकी बर 5-5 लीटर वाले दो जरकीन म मउहा दारू लेके जात रहिस तेला मदनपुर तीर पकड़े गीस। आरोपित अमित मांझी मेर ले कुल 10 लीटर दारू कीमती ₹1,000 के जप्ती करे गीस। चौकी खरसिया (थाना खरसिया) म आरोपी अमित मांझी के विरुद्ध धारा 34(2), 59(क) आबकारी एक्ट के तहत कार्रवाई करे गए हे। शराब रेड कार्रवाई म चौकी प्रभारी खरसिया उप निरीक्षक संजय नाग, प्रधान आरक्षक अशोक देवांगन, डमरूधर पटेल सामिल रहिन।