दिल्ली, 25 मई 2021। केंद्र सरकार ह काली खाए के तेल के कीमत ल देश म कम करे खातिर तेल क्षेत्र के जम्मो हितधारक मन के संग खाद्य तेल के कीमत म स्थिरता लाय के मुद्दा के समाधान के तरीका अऊ साधन मन उपरन चर्चा बर बैठक करिस।
खाद्य तेल के कीतम म उदुपहा बढ़ोतरी उपर होए ए बैठक म सचिव, खाद्य अऊ सार्वजनिक वितरण विभाग, भारत सरकार, सचिव कृषि मंत्रालय, भारत सरकार अऊ सचिव, उपभोक्ता काम विभाग, भारत सरकार, खाद्य तिलहन के उत्पादक, मिल मालिक, थोक व्यापारी, खाद्य तेल उद्योग क्षेत्र के कई ठन संघ, गुजरात, महाराष्ट्र, मध्य प्रदेश अऊ तमिलनाडु जइसन राज्य मन के वरिष्ठ अधिकारी मन ह भाग लीन। बैठक के आयोजन खाद्य अउर सार्वजनिक वितरण विभाग, भारत सरकार कोति ले करे गए रहिस।
ये बेरा म, खाद्य अऊ सार्वजनिक वितरण विभाग के सचिव ह कहिन के कीमत के बढ़े म योगदान देवईया जम्मो मुद्दा मन ल समझना अऊ सबो हितधारक मन के संग म चर्चा करना जरूरी हे ताकि खाद्य तेल के कीमत के मुद्दा ल हल करे बर उपयुक्त रणनीति तियार करे जा सकय।
जानबा हे के भारत म तिलहन के उत्पादन अऊ घरेलू उपलब्धता, खाद्य तेल के घरेलू मांग के जरूरत ले अड़बड़ कम हे। हर साल बड़का मात्रा म खाद्य तेल के आयात करे जाथे। खाद्य तेल के अंतरराष्ट्रीय कीमत म बदलाव ले खाद्य तेल के घरेलू भारतीय कीमत उपर असर परथे। जम्मो झन मन अपन-अपन सुझाव देहे हे अब देखव आगू सरकार का करत हे अउ। तेल के कीमत घटत हे के नहीं।
देश म खाए के तेल के कीमत ल कम करे खातिर रखे गीस बैठक
