सरकार के मदद ले खेती म खुशहाली, किसान मन के कहना-अब खेती मुनाफा के सौदा
बिलासपुर, खरीफ सीजन म अभी राज्य के कई ठन जिला मन म खेती किसानी के काम मन ह जोर पकड़ लेहे हे। रोपा अऊ बियासी के काम तेजी से जारी हे। अइसन म शासन कोति ले समय म खाद बीज के उपलब्धता ले किसान मन के उत्साह दुगुना हो गए हे। ए कड़ी म बिलासपुर जिला के बिल्हा ब्लॉक म बैमा-नगोई के किसान मन के चेहरा घलोक खिल उठे हे। उन्हे न तो लंबा लाइन म लगना परत हे अऊ न ही मंहगा दाम म बाजार मन ले बीज या खाद खरीदे के मजबूरी हे।
नगोई सहकारी समिति म खाद बिसाए आए किसान प्रदीप कुमार शास्त्री घलोक ए पइत अच्छा फसल ल लेके आश्वस्त हे। सरकारी मदद ह वोखर उत्साह ल अऊ बढ़ा देहे हे। शास्त्री के बताती ओ ह 6 एकड़ म खेती किसानी करथे। समिति ले खाद-बीज आसानी ले मिल गए। बिना कोनो लंबा लेन के ओ ल यूरिया, डीएपी, नैनो डीएपी मिले हे। समय म खाद बीज के उपलब्धता ले ओ ल बड़ मदद मिलीस हे। ये खाद रियायती दर म होए के संग गुणवत्ता म घलोक बेहतर हे। ओ ल पूरा भरोसा हे के ए पइत बेहतर पैदावर होही। कुछ अइसनहे खुशी जाहिर करत किसान कालिका प्रसाद पाण्डेय ह बताइस के ओ ह 4 एकड़ म खेती किसानी करत हे। ए पइत बारिश घलोक बने होए हे अऊ सरकार ह समय म खाद बीज उपलब्ध कराए हे। वो ह बताइस के परिस्थिति अनुकूल होए के सेती ओ मन जोर-शोर ले खेती किसानी म जुट गे हे। इही गांव के राजेन्द्र प्रसाद गुरूदीवान ह बताइस के समिति ले खाद बीज लेहे म कोनो प्रकार के दिक्कत नइ होवत हे। समिति कोति ले किसान मन बर एक वाट्सअप ग्रुप बनाय गए हे जेमां जम्मो जानकारी मिल जाथे अऊ ओ मन समिति आके खाद बीज ले लेथें। किसान मन ह बताइन के ओ मन ल पीएम किसान सम्मान निधि, किसान उन्नति योजना के घलोक लाभ मिलत हे। किसान मन ह कहिन के सरकारी मदद ले खेती किसानी अब मुनाफा के सौदा बन गए हे।
खाद-बीज मिले ले खेती-किसानी के काम चलत हे जोरदरहा
