उत्तर बस्तर कांकेर, 18 सितंबर 2020। जिला के पखांजूर तहसील अंतर्गत महिला अऊ बाल विकास परियोजना पखांजूर के सेक्टर मायापुर म राष्ट्रीय पोषण महिना कार्यक्रम आयोजित करे गीस। कार्यक्रम ल जनपद उपाध्यक्ष किशोर कुमार मण्डल ह संबोधित करत कहिन के मनखे मन ल कुपोषण ले बचाव अऊ रोकथाम बर जागरूक करे के जरूरत हे, कुपोषण कोनो लाईलाज बिमारी नइ हे, एखर बर खान-पान उपर विशेष ध्यान देहे बर अपील करे गीस। उमन कहिन के अपन-अपन घर के गर्भवती माता अऊ एनीमिक महिला मन ल शुरूआत ले ही पौष्टिक भोजन जइसे- हरियर साग, मुनगा भाजी, अंकुरित आहार, अण्डा, दाल आदि के सेवन करावव, एखर से कुपोषित लइका पैदा नइ होही। केन्द्र अऊ राज्य सरकार कोति ले कुपोषण के रोकथाम बर कई प्रकार के योजना संचालित करे जात हे, जेखर लाभ लेवव। महिला अऊ बाल विकास विभाग कोति ले पहिली गर्भवती माता मन ल मुख्यमंत्री मातृत्व वंदना योजना ले घलोक लाभान्वित करे जात हे। ये बेरा म कार्यक्रम म उपस्थित सबो मनखे मन ल कुपोषण मिटाय बर शपथ घलोक देवाए गीस।
कार्यक्रम म मायापुर सरपंच दिपाली मिस्त्री, बैकुण्डपुर सत्यरंजन गाईन, पंच सम्पाबाई, सेफाली चौकीदार, पर्यवेक्षक मालती कश्यप, मितानीन रीता राय, बकुल वैद्य, चिंतामणी मण्डल, उषा मण्डल, काजली पाड़ई, यशोदा बाड़ई, साधना दास अऊ स्व-सहायता समूह के सदस्य अंजली मिस्त्री, स्वपना मण्डल, उषा डे, अंजना मिस्त्री उपस्थित रहिन।