गांव-गांव लगाए जात हे आयुर्वेद शिविर, 327 मरीज मन ल मिलीस अब तक निःशुल्क उपचार

रायपुर, आयुर्वेद चिकित्सा विभाग कोति ले गांव-गांव म शिविर लगाके गांव वाले मन ल आयुर्वेद के प्रति जागरूक करे जात हे अऊ जरूरतमंद गांव वाले मन के निःशुल्क उपचार करके आयुर्वेदिक दवइ बांटे जात हे। रोगी मन ल उचित परामर्श अऊ परहेज संबंधी जानकारी घलोक देहे जात हे।
आयुर्वेदिक अधिकारी डॉ.अजय नायक ह बताइस के शिविर मन म मौसम के मुताबिक आहार-विहार, दिनचर्या, योगासन अऊ आयुर्वेदिक जीवनशैली ले जुड़े जानकारी देहे जात हे, जेखर से मनखे प्राकृतिक अऊ स्थायी स्वास्थ्य लाभ प्राप्त कर सकंय।
जुलाई महिना म आयोजित शिविर मन म कुल 327 मरीज मन ह लाभ प्राप्त करे हें, जेमां रनभाटा ले 41, जिलाडी ले 34, बारडोली ले 94, बोदा ले 61 अऊ चनघोरी ले 97 रोगी सामिल हे।
ए शिविर मन म  मरीज मन ल आयुर्वेदिक दवई, शास्त्रोक अऊ आन पेटेंट औषधि बांटे गीस। बुनगा केंद्र म हर एक महिना जीवनशैली म बदलाव बर सत्र, औषधीय पौधा मन के जानकारी, मितानिन प्रशिक्षण, नियमित योगाभ्यास, एनसीडी स्क्रीनिंग अऊ आन जनजागरूकता कार्यक्रम घलोक आयोजित करे जात हे।