आयुर्वेद महाविद्यालय चिकित्सालय म 1402 लइका मन के स्वर्णप्राशन

रायपुर, 23 फरवरी 2024। लइका मन के व्याधिक्षमत्व, पाचन शक्ति, स्मरण शक्ति, शारीरिक शक्ति वर्धन अउ रोग मन ले बचाव बर शासकीय आयुर्वेद महाविद्यालय चिकित्सालय रायपुर म बुधवार के 1402 लइका मन ल स्वर्णप्राशन कराए गीस। आयुर्वेद महाविद्यालय चिकित्सालय के कौमारभृत्य विभाग कोति ले हर पुष्य नक्षत्र म शून्य ले 16 साल के लइका मन ल स्वर्णप्राशन कराए जात हे। स्वर्णप्राशन के संग ही शिशु रोग विशेषज्ञ डॉ. लवकेश चन्द्रवंशी ह लइका मन के स्वास्थ्य के परीक्षण घलोक करीस।
शासकीय आयुर्वेद महाविद्यालय चिकित्सालय परिसर म प्राचार्य प्रो. डॉ. जी.आर. चतुर्वेदी, चिकित्सालय अधीक्षक प्रो. डॉ. प्रवीण कुमार जोशी अऊ कौमारभृत्य विभागाध्यक्ष प्रो. डॉ. नीरज अग्रवाल के निर्देशन म स्वर्णप्राशन कराए गीस। स्वर्णप्राशन समन्वयक डॉ. लवकेश चन्द्रवंशी ह बताइस कि लइका मन के सर्वांगीण विकास बर ये अड़बड़ लाभदायक हे। महाविद्यालय के स्नातकोत्तर अउ स्नातक छात्र-छात्रा मन हर महीना ये मां महत्वपूर्ण योगदान देवत हे। आयुर्वेद चिकित्सा महाविद्यालय रायपुर कोति ले पुष्य नक्षत्र तारीक 9 जनवरी के घलोक 1235 लइका मन के स्वर्णप्राशन कराए गीस।