गौरेला-पेण्ड्रा-मरवाही, प्रदेश म मुख्यमंत्री सुपोषण अभियान म गरम पौष्टिक भोजन अऊ पूरक पोषण आहार के माध्यम ले लइका मन म कुपोषण दूर करे के प्रयास करे जात हे। ये मां स्थानीय स्तर म उपलब्ध अनाज, फल, साग-सब्जि अऊ ओखर से बने पदार्थ मन ल प्राथमिकता ले सामिल करे जात हे। इही कड़ी म जनजाति बहुल गौरेला-पेण्ड्रा-मरवाही जिला के विकासखंड गौरेला के ग्राम पंचायत सेमरा म मरवाही विधायक डॉक्टर के. के. ध्रव ह बुधवार के मुख्यमंत्री सुपोषण अभियान के दूसर चरण अंतर्गत कुपोषित लइका मन ल ’आयुर्वेदिक सुपोषण मोदक’ वितरण के शुरूआत करिस। ये बेरा म कलेक्टर सुश्री नम्रता गांधी संग कई जनप्रतिनिधि उपस्थित रहिन।
अश्वगंधा, सोठ, काली मिर्च, त्रिकूट, अलसी, मुर्रा, मूगफल्ली, गुड, फूटा चना अऊ तिल ल मिलके 75 ग्राम प्रति नग आयुर्वेदिक सुपोषण मोदक तियार करे गए हे। सुपोषित गौरेला-पेण्ड्रा-मरवाही मिशन अंतर्गत कुपोषित लइका मन ल 3 नग मोदक के वितरण प्रति हफ्ता करे जाही। एखर से 1396 गंभीर अऊ 5238 मध्यम कुपोषित लइका लाभान्वित होहीं। मरवाही विधायक डॉ. के. के. ध्रव ह स्वास्थ्य अऊ महिला अऊ बाल विकास विभाग ल समन्वय ले काम करत एनआरसी के समुचित उपयोग अऊ सतत पर्यवेक्षण सुनिश्चित करे ल कहिन। कलेक्टर सुश्री नम्रता गांधी ह उपस्थित जनसमुदाय ल सुपोषण के महत्व बतात अभियान ल सफल बनाए के आव्हान करिन। जनपद अध्यक्ष गौरेला श्रीमती ममता पैकरा ह उपस्थित माता-बहिनी मन ल लइका मन बर घर म उपलब्ध पोषण आहार खवाए अऊ पैकेट बंद खाद्य कुरकुरे, चिप्स आदि ले लइका मन ल दूर रखे के सलाह दीन। जिला महिला अऊ बाल विकास अधिकारी ह बताइस कि प्रचलित पोषण व्यवहार म सकरात्मक बदलाव लाय बर पूरक पोषण आहार के संकल्पना करे गए हे।
मुख्यमंत्री सुपोषण अभियान: कुपोषित लइका मन ल देहे जात हे सोंठ, अश्वगंधा, अलसी ले बने आयुर्वेदिक सुपोषण मोदक
