जशपुरनगर : आयुष पद्धति ईलाज ले मिलत हे गंभीर बीमारी ले निजात

रोग ले प्रभावित 7 बछर के लईका 01 महीना के ईलाज के बाद एकदम स्वस्थ हे
विगत सप्ताह तक  2641  रोगी के निः शुल्क उपचार अउ औषधि दिए गय हे
हाट-बजार अउ सियान जतन क्लीनिक के माध्यम ले 295 रोगी मन ल करे गय हे लाभान्वित
जशपुरनगर 29 जून 2023
जिला जशपुर म आयुष विभाग के अंतर्गत कुल 58 संस्था हे  जईसे-आयुष पॉलीक्लीनिक आयुर्वेद स्पेशलाइज्ड थेरेपी सेंटर, आयुर्वेद ,होम्योपैथी औषधालय, सीएचसी,पीएचसी म आयुर्वेद, होम्योपैथी, यूनानी संस्था संचालित हे अउ आयुर्वेद दवई ले लोगन मन ल मिलत हे गंभीर बीमारी ले निजात। जेकर से लोग मन ल आयुर्वेद दवई के उपयोग कर के स्वस्थ होवत हे अउ अबड़ खुस हे।
जिला आयुर्वेद कार्यालय जशपुर ले प्राप्त जानकारी के अनुसार विगत सप्ताह तक कुल 2641 रोगी ल औषधि वितरण कर निःशुल्क उपचार करे गय हे। संग म पंचकर्म क्रिया नाड़ी स्वेद, सर्वांद स्वेद, नस्य अउ शिरो धारा के द्वारा कुल 76 रोगी के जांच कर के ईलाज करे गय हे। विभाग कती ले मुख्य रूप से जीर्ण वात व्याधि, ज्वर, संधिवात, त्वक विकार, पाददाह, गृध्रसी, जीर्ण श्वास रोग, दौर्बल्यता, जीर्ण काश रोग अउ उदर रोग ले सफलता पूर्वक ईलाज करे गइस। हाट-बजार अउ सियान जतन क्लीनिक के माध्यम ले कुल 295 रोगी मन ल लाभान्वित करे गय हे।
      जिला म कुल 03 आयुष हेल्थ एण्ड वेलनेस सेंटर संचालित हे। जिहां संस्था कती ले 293 हितग्राही मन ल योगाभ्यास के संग म 159 हितग्राही मन ल काढ़ा वितरण कराय गय हे। एकरे संग म ही सूचना, शिक्षा अउ संचार  के माध्यम ले पाम्पलेट ले घलो लोगन मन ल जादा संख्या म आयुष चिकित्सा पद्धति ले उपचार ब सफलता पूर्वक जागरूक करे जाथ हे।
         उल्लेखनीय हे कि सामुदायिक स्वास्थ्य केंद्र कुनकुरी म पदस्थ डॉ. दिव्य शिखा होम्योपैथी चिकित्सा अधिकारी ह त्वक विकार के सफलतापूर्वक ईलाज करे गय हे। संस्था म कुछ समय पूर्व त्वक रोग ले प्रभावित 7 बछर के नानकुन लईका जेकर सिर म विगत 01 महीना ले तेज खुजली, लालिमा युक्त पके हुए दाना, अउ जलन के शिकायत रहिस हे। एकर संग ही बांह छाती अउ पेट म घलो खुजली अउ छोट-छोट दाना पाये गये रहिस हे। एकर ब ओ ह कतको जघा ईलाज कराइस लेकिन फायदा नई होइस। तेकर ब उमन आयुष पद्धति ले ईलाज कराना चाहिस। जेकर ब उमन सामुदायिक स्वास्थ्य केंद्र कुनकुरी म पदस्थ होम्योपैथी चिकित्सा अधिकारी ले संपर्क करिस अऊ 01 महीना के ईलाज के बाद ओला लाक्षणिक रूप ले पूरा लाभ होइस अउ संग म सिर, छाती, पेट अउ बांह जम्मो जघा के पके हुए दाना अउ फुंसी पूर्णतः ठीक हो गए हे अउ ओ ह बिल्कुल स्वस्थ हे।
Success Stories
Neha Rathore