राष्ट्रीय आयुष कार्यक्रम सुप्रजा के धमतरी जिला म होइस शुरूआत

धमतरी, 18 फरवरी 2024। संचालनालय (आयुष) अउ कलेक्टर सुश्री नम्रता गांधी के मार्गदर्शन म गर्भवती माता मन के उत्तम स्वास्थ्य अउ गर्भस्थ शिशु के सर्वांगीण विकास बर नवा सृजित राष्ट्रीय आयुष कार्यक्रम सुप्रजा के जिला म शुभारंभ करे गए हे। ए योजना के मुख्य उद्देश्य स्वस्थ माता अउ निरोगी संतान हे। सुप्रजा कार्यक्रम जिला के आयुष विंग, जिला चिकित्सालय धमतरी, स्पेश्लाईज्ड थेरेपी सेंटर कुरूद, स्पेश्लाईज्ड थेरेपी सेंटर मगरलोड, शासकीय आयुर्वेद औषधालय दर्श, गट्टासिल्ली, खरतुली अउर छाती म संचालित हे। सुप्रजा कार्यक्रम के अंतर्गत आयुर्वेद आधारित औषधि मन के बाह्य अउ अभ्यांतर परयोग, योग अउ मेडिटेशन के माध्यम ले गर्भिणी माता मन के संपूर्ण आहार-विहार अउ क्रियाकलाप के विशेष ध्यान रखे जाही ताकि गर्भवती माता ल कोनो प्रकार के शारीरिक अउ मानसिक समस्या के आभास झन होवय। कलेक्टर सुश्री गांधी ह जिला के रहवईया मन ले ए योजना ले लाभान्वित होए के अपील करे हें।