आयुष्मान भारत योजना बनिस जीवनदायिनी : 46 बछर के मजदूर कैंसर ले होइस पूरा स्वस्थ

जशपुर, स्वास्थ्य सेवा के क्षेत्र म सरकार के पहल गरीब अऊ जरूरतमंद मरीज मन बर जीवन के संबल साबित होवत हे। प्रधानमंत्री आयुष्मान भारत योजना, मुख्यमंत्री श्री विष्णु देव साय के अगुवई म छत्तीसगढ़ के आमजनता ल गंभीर बीमारी मन ले निःशुल्क उपचार के सुविधा देवत हे।
इही योजना ले जशपुर जिला के जुन्ना टोली के रहवइया 46 बछर के मजदूर श्री वीरेंद्र खाखा ल नवा जीवन मिले हे। ओ ह आर्थिक रूप ले कमजोर परिवार के हे अऊ मजदूरी करके जीवन यापन करत हे। कैंसर जइसे गंभीर बीमारी के महंगा इलाज वोखर बर असंभव रहिस, फेर आयुष्मान कार्ड के मदद ले जिला अस्पताल जशपुर अऊ रायपुर मेकाहारा म ओखर संपूर्ण इलाज निःशुल्क होइस। आज ओ ह पूरा स्वस्थ होके सामान्य जीवन जीयत हे।
श्री वीरेंद्र खाखा बताथे के करीब 9–10 महीना पहिली मोर मुँह म घाव होय रहिस। पहिली तो सादा समझके अनदेखा करेंव, फेर घाव ठीक नइ होइस। जिला अस्पताल जशपुर पहुँचेंव त डॉक्टर मन ह रायपुर रेफर करिन। उहाँ जांच म कैंसर के पुस्टि हो गे। शुरुआत म बहुत डर लागिस के खरचा कइसे उठाहूं। रायपुर म दू कीमोथेरेपी होइस, फेर बार-बार जाना संभव नइ रहिस। फेर डॉक्टर लक्ष्मीकांत आपट ह कहिस के बांचे इलाज जशपुर म घलोक हो सकत हे। इहां चार चरण के कीमोथेरेपी कराए गीस। दवा, खून अऊ सबो जांच निःशुल्क होइस। आज मैं पूरा ठीक हंव अऊ लइका मन के संग सामान्य जीवन जीयत हंव। सच कहंव त कहूं आयुष्मान कार्ड नइ होतिस त मोर इलाज अधूरा रहि जातिस। मैं मुख्यमंत्री श्री विष्णु देव साय अऊ सरकार के हृदय ले आभार व्यक्त करत हंव।
डॉ. लक्ष्मीकांत आपट, इंचार्ज डे-केयर कीमोथेरेपी, जिला अस्पताल जशपुर ह बताइस के जब मरीज हमार पास आए रहिस ते वोखर मुँह म बड़का घाव रहिस। प्रारंभिक उपचार बर रायपुर रेफर करे गीस। उहाँ ले लहुटने के बाद बांचे चार चरण के कीमोथेरेपी जशपुर म पूरा कराए गइस। ये सम्पूर्ण इलाज आयुष्मान भारत योजना के तहत निःशुल्क होइस। हाले म कराए गे सीटी स्कैन म बीमारी के कोनो लक्षण नइ पाए गे हे।