प्रधानमंत्री उज्जवला योजना के तहत 96 हितग्राही मन ल मिलीस नवा गैस कनेक्शन
बालोद, 23 दिसम्बर 2023। भारत सरकार के जन कल्याणकारी योजना मन ल जन-जन तक पहुँचाए के उद्देश्य ले विकसित भारत संकल्प यात्रा के शुरूआत करे गए हे। इही कड़ी म बालोद जिला के कई ठन ग्राम पंचायत मन म शिविर लगा के कई ठन योजना मन के जानकारी मनखे मन ल देहे जात हे। शिविर म प्रधानमंत्री आवास योजना अऊ प्रधानमंत्री सुरक्षा बीमा योजना, आयुष्मान कार्ड, प्रधानमंत्री किसान सम्मान निधि योजना, प्रधानमंत्री जीवन ज्योति बीमा योजना, केसीसी संग आन योजना मन के जानकारी देहे जात हे। ताकि जादा ले जादा हितग्राही एकर लाभ उठा सकयं।
16 दिसम्बर 2023 ले अब तक शिविर म कुल 6216 हितग्राही मन ल आयुष्मान कार्ड बना के बांटे गए हे। 96 हितग्राही मन प्रधानमंत्री उज्जवला योजना के तहत नवा गैस कनेक्शन प्रदान करे गए हे। शिविर म प्रधानमंत्री किसान सम्मान निधि योजना अंतर्गत 57 हितग्राही के नवा पंजीयन तको करे गए हे। प्रधानमंत्री जीवन ज्योति बीमा योजना अंतर्गत 143 अउ प्रधानमंत्री सुरक्षा बीमा योजना अंतर्गत 139 हितग्राही मन के पंजीयन करे गीस। प्रधानमंत्री आवास योजना अंतर्गत 05 हितग्राही मन ल किस्त के राशि के भुगतान करे गीस। अइसनहे केसीसी ऋण स्वीकृत करे बर 16 किसान मन के आवेदन ले गीस।
