अब इलाज बर करजा, के चिंता ले मिलीस मुक्ति आयुष्मान कार्ड योजना ले मिलत हे राहत

अर्जुन सिंह ल मिलीस निःशुल्क उपचार, बांचिस गोड़, बांचिस जिंदगी
बलरामपुर-रामानुजगंज, प्रधानमंत्री नरेंद्र मोदी के महत्त्वाकांक्षी योजना आयुष्मान भारत प्रधानमंत्री जन आरोग्य योजना अब जनजीवन म बदलाव के एक सशक्त मिसाल बन गए हे। छत्तीसगढ़ के बलरामपुर-रामानुजगंज जिला के हजारों परिवार ल ए योजना ह इलाज के भरोसा अऊ जीवन के नवा उम्मीद देहे हे।
बलरामपुर जिला के ग्राम महावीरगंज निवासी अर्जुन सिंह , जेन एक सामान्य कृषक हे। वो ह मधुमेह ले पीड़ित हे वोखर गोड़ म कुछ समय पहिली एक गहरा घाव हो गए रहिस, जेन आगू चलके डायबेटिक फूट म तब्दील होए लगिस। डॉक्टर मन के मुताबिक अगर समय म इलाज नइ होतीस, त वोखर गोड़ ल काटना पड़ जातिस।
चिकित्सक ह बताइस के इलाज के अनुमानित खर्च 45,000 रुपिया रहिस, जेन वोखर बर असंभव रहिस। फेर ओखर आयुष्मान कार्ड जीवन रक्षक बनके आगू आइस। बलरामपुर जिला अस्पताल म ओखर संपूर्ण इलाज निःशुल्क होइस अऊ अब ओ ह स्वस्थ होके सामान्य जीवन जीयत हे। अर्जुन सिंह ह योजना बर प्रधानमंत्री श्री नरेंद्र मोदी अऊ मुख्यमंत्री श्री विष्णुदेव साय ल धन्यवाद देवत कहिस, कहूं आयुष्मान योजना नइ होतिस त मैं अपन गोड़ गवां देतेंव, ए कार्ड ह मोर जिंदगी बचाए हे।
स्वास्थ्य विभाग के आंकड़ा के मुताबिक अब तक बलरामपुर-रामानुजगंज जिला म लगभग 07 लाख 11 हजार 252 आयुष्मान कार्ड अऊ 10 हजार 970 वय वंदन कार्ड बनाए गए हे। एमां ले 1 लाख 8 हजार 648 ले जादा मनखे कई ठन बीमारी मन म निःशुल्क उपचार के लाभ लेहे हें। राज्य सरकार अऊ जिला प्रशासन से सरलग आयुष्मान कार्ड बनाए बर विशेष शिविर अऊ जागरूकता कार्यक्रम आयोजित करे जात हे, जेखर से जादा ले जादा पात्र परिवार मन ल एकर लाभ मिल सकय।