च्वाईस सेंटर मन म बनाए जात हे निःशुल्क आयुष्मान कार्ड

जगदलपुर, 10 मार्च 2021। आयुष्मान भारत प्रधानमंत्री जन आरोग्य योजना अऊ डॉ़ खूबचंद स्वास्थ्य सहायता योजनांतर्गत जादा ले जादा हितग्राही मन ल लाभ देहे के उद्देश्‍य ले केन्द्र सरकार अऊ राज्य सरकार कोति ले आयुष्मान अभियान के क्रियान्वयन 1 मार्च ले 31 मार्च तक करे जात हे। शासन के हुकुम के मुताबिक जिला के च्वाईस सेंटर मन म जम्‍मो राशन कार्ड धारी परिवार मन ल निःशुल्क आयुष्मान कार्ड बनाके देहे जाही, जेमां प्राथमिकता अऊ अंत्योदय वाले राशन कार्ड धारी परिवार मन ल हर साल 5 लाख रूपिया अऊ आन राशन कार्ड धारी परिवार मन ल 50 हजार तक के चिकित्सा सुविधा प्राप्त होही, जेन राज्य के कोनो पंजीकृत निजी अऊ शासकीय चिकित्सालय म प्रदान करे जाही।