- संविधान के बुनियादी सिद्धांत ल लागू करके, अमीर व गरीब के बीच खाई ल कम करना, गांधी-नेहरु के सर्वजन हिताए नीति मन उपर विश्वास हमर प्राथमिकता: श्री भूपेश बघेल
- किसान मन के आय दुगना करे के थोथा नारा लगाय के जगा कहूं सच म उंखर आय बढ़ा दिए जाय त पूरा समाज ओखर से लाभांवित होथे
सामाजिक न्याय के प्रणेता बी.पी. मण्डल के जयंती म नई दिल्ली के कॉन्स्टिटूशन क्लब म आयोजित होइस सम्मान समारोह
रायपुर, छत्तीसगढ़ के मुख्यमंत्री श्री भूपेश बघेल के आज नई दिल्ली म आयोजित समारोह म बी.पी. मण्डल सामाजिक न्याय रत्न ले सम्मानित करत उंखर जन अभिनंदन करे गीस। श्री बघेल ल छत्तीसगढ़ म अनुसूचित जाति, अनुसूचित जनजाति अऊ पिछड़े वर्ग बर आरक्षण बढ़ाए के फैसला बर ओ मन ल ये सम्मान प्रदान करे गीस। सामाजिक न्याय के प्रणेता अऊ पिछड़ा वर्ग आयोग के अध्यक्ष अऊ बिहार के पहिली मुख्यमंत्री स्वर्गीय श्री बी.पी. मंडल के जयंती के अवसर म आज नई दिल्ली के कॉन्स्टिटूशन क्लब म ये कार्यक्रम आयोजित करे गीस। पूर्व राज्य सभा सांसद श्री शरद यादव ह मुख्यमंत्री श्री बघेल ल श्री बी पी मंडल सामाजिक रत्न पुरस्कार ले सम्मानित करिस।
छत्तीसगढ़ के मुख्यमंत्री श्री भूपेश बघेल ह कहिन हे कि, कई बछर ले जेमन संविधान सम्मत अधिकार के रक्षा बर अपन खून-पसीना बोहाए हें ऊंखर ‘दुःख के दिन बीत गे हे’। 25 अगस्त सामाजिक न्याय बर एक ऐतिहासिक दिन हे। मंडल आयोग के रिपोट के रचयिता बीपी मंडल जी के आज जयंती हे। संविधान बचाओ संघर्ष समिति ह आज के ही दिन अगर मोर सम्मान करे के फैसला करे हे त ये मोर बर सौभाग्य के बात हे अऊ मोर बर भावुक कर देवइया बेरा ये।
श्री बघेल कोति ले छत्तीसगढ़ राज्य म अनुसूचित जाति, अनुसूचित जनजाति अऊ पिछड़ा वर्ग के आरक्षण बढ़ाए के सेती ये सम्मान ओ मन ल प्रदान करे गीस। मुख्यमंत्री श्री बघेल ह कार्यक्रम ल सम्बोधित करत कहिन कि, संविधान के अनुच्छेद-340 ल लागू करत सामाजिक न्याय के जऊन पहलू छूट गए रहिस, वो मंडल कमीशन के सिफारिश लागू करे के संग आज ले 26 साल पहिली एक हद तक पूरा होय रहिस। मंडल साहब के सिफारिश के जऊन हिस्सा ठीक तरा ले लागू नइ होय रहिस, हमन छत्तीसगढ़ म ओला पूरा करे के कोसिस करे हन। दरअसल मैं कोनो खास काम नइ करे हंव, बस संविधान के सिफारिश मन ल ठीक तरा ले लागू करे के फैसला करे हंव। उमन कहिन कि, गांधी-नेहरु के सर्वजन हिताए नीति मन म विश्वास हमर प्राथमिकता हे।
