रायपुर, मुख्यमंत्री श्री भूपेश बघेल ले आज संझा छत्तीसगढ़ विधानसभा स्थित ऊंखर कार्यालय कक्ष म विधायक श्रीमती उत्तरी गणपत जांगड़े के अगुवई म सतनामी विकास परिषद के प्रतिनिधिमंडल ह सौजन्य मुलाकात करिस। प्रतिनिधिमंडल ह मुख्यंमत्री ल सारंगढ़ म अवईया 18, 19 अउ 20 दिसम्बर के आयोजित होवइया बाबा गुरु घासीदास जयंती मेला म सामिल होए के नेवता दीन। सतनामी विकास परिषद के अध्यक्ष श्री देव नारायण वर्मा ह मुख्यमंत्री श्री बघेल ल बताइस कि सारंगढ़ म हर बछर बाबा गुरु घासीदास जयंती के अवसर म ये मेला के आयोजन करे जाथे, जेमां बड़ संख्या म श्रद्धालु सामिल होथें। ये बेरा म सर्वश्री गणपत जांगड़े, नन्दराम सुमन, खगेश्वर रात्रे, शैल कुमार अजगल्ले, रमेश कोसले संग बहुत अकन मनखे उपस्थित रहिन।
मुख्यमंत्री श्री बघेल ल बाबा गुरु घासीदास जयंती मेला सारंगढ़ म सामिल होए के नेवता
