मुख्यमंत्री ह बाबा साहब आम्बेडकर के पुण्यतिथि म ओ मन ल करिन नमन

रायपुर, मुख्यमंत्री श्री भूपेश बघेल ह विधिवेत्ता, अर्थशास़्त्री, समाज सुधारक, कुशल राजनीतिज्ञ अऊ संविधान बनइया भारत रत्न बाबा साहब डॉ. भीमराव आम्बेडकर के पुण्यतिथि 6 दिसम्बर म ओ मन ल नमन करे हें। श्री बघेल ह कहिन कि बाबा साहब ह सामाजिक भेदभाव के विरूद्ध अभियान चलाइन अऊ सब बर समान अधिकार, स्वतंत्रता अऊ व्यवहार के वकालत करिन। उमन भारतीय संविधान के निर्माण म अतुलनीय योगदान दीन। बहुत अकन भाषा मन के जानकार डॉ.आम्बेडकर ह कई देश मन के संविधान के अध्ययन करे बाद विविधता भरे भारत ल अइसन मजबूत अऊ लचीला संविधान दीन जेखर से एक मजबूत राष्ट्र के नेंव पर सकिस।