जांजगीर। बिलासपुर एसीबी के टीम ह आज बड़े कार्रवाई करे हे। मुख्य चिकित्सा अधिकारी के कार्यालय म दबिश देके एक लिपिक ल रिश्वत लेवत हुए रंगे हाथ म पकड़े हे। बताये जावत हे कि दस्तावेज मन के सुधार बर 1500 रुपिया के रिश्वत मांगे रहिस जेन ल एसीबी ह तत्काल कार्रवाई करत हुए गिरफ्तार कर लिस हे।
जानकारी के अनुसार मुख्य चिकित्सा एवं स्वास्थ्य अधिकारी कार्यालय म पदस्थ लिपिक भरत लाल साहू ल 1500 के रिश्वत लेवत हुए एंटी करप्शन ब्यूरो के टीम ह पकड़े हे। लिपिक भरत लाल साहू दस्तावेज मन म सुधार के नाम म प्रार्थी ले रिश्वत के मांग करे रहिस। जेखर जानकारी वो एंटी करप्शन ब्यूरो ल दिस। एसीबी के टीम ह जांच के बाद आज मुख्य चिकित्सा एवं स्वास्थ्य अधिकारी कार्यालय म दबिश दिस अउ आरोपी ल रंगे हाथ म पकड़ लिस।
