बदलत दन्तेवाड़ा: हौसला ले दीदी मन ह बदलिन अपन तकदीर

दंतेवाड़ा, जिला मुख्यालय ले 55 किलोमीटर दूरिहा विकासखण्ड कुआकोण्डा ले घलोक 25 किमी. के दूरिहा म वनाच्छादित क्षेत्र म ग्राम समेली हे। चारो कोति पहाड़ ले घिरे अड़बड़ सुन्‍दर गांव हे। गांव समेली म मुख्यमंत्री के महत्वाकांक्षी गोधन न्याय योजना जइसे गौठान करे गए हे। ओ गौठान म कई प्रकार के आजीविका संबंधित गतिविधि संचालित करे जात हे। जेमां ले राष्ट्रीय ग्रामीण आजीविका मिशन के मोंगरा स्व-सहायता समूह के दीदी मन सीमेंट के बड़का ईंटा के निर्माण करे जात हे। गौठान म ही कई प्रकार के निर्माण कार्य होवत हे। जेमां ईंटा बाहिर ले मंगाए ल परत रहिस।
दीदी मन ह सोंचिन के एकर बिवस्‍था करे जाए अउ एके महिना के भीतर बिना कोनो मशीन के हाथ के बने सांचा ले 6 हजार ले जादा फुल साईज के ईंटा के निर्माण करे लगिन। उंकर ये काम अभी घलोक जारी हे। स्व-सहायता के समूह के दीदी मन 29 सौ ईंटा के बिक्री घलोक कर डरे हें। जेन ल दीदी मन ह 23 रूपिया प्रति नग के दर ले विक्रय करके 66 हजार 700 रुपए के कमाई करे हें। हर एक ईंटा म 12 ले 13 रूपिया तक के बचत होथे। जेमां दीदी मन ल 37 हजार 700 रूपिया के शुद्ध लाभ प्राप्त होय हे। प्राप्त लाभ अऊ अपन मेहनत के अतका सफल परिणाम देख के समूह के दीदि मन म उत्साह अऊ बाढ़ गए हे। दीदी मन ल अभी हाले म 6 हजार ईंटा के आर्डर 25 रूपिया प्रति नग के हिसाब ले मिले हे। जेखर से ए मन ल 90 हजार रूपिया शुद्ध लाभ के रूप म प्राप्त होही।