बदलत दन्तेवाड़ाः मुख्यमंत्री के परिकल्पना होइस साकार

दन्तेवाड़ा, मुख्यमंत्री शहरी स्लम स्वास्थ्य योजना ले अब जिला वासी मन ल आराम मिलत हे। मनखे मन ल घर के तीरेच गुणवत्ता वाले निःशुल्क इलाज अऊ उपचार के सुविधा मुहैया कराए जात हे। शहर के स्लम बस्‍ती मन म रहइया मन ल एक बड़का सुविधा देहे गए हे। अब इहां के रहवइया मन ल इलाज बर अस्पताल जाय या खून के जांच अऊ आन स्वास्थ्य परीक्षण बर एती-वोती भटकना नइ परय। अब ऊंखरेच इलाका म मोबाइल मेडिकल यूनिट चिकित्सक के संग खड़े होवत हे। स्वास्थ्य ले संबंधित रोग अउ ओखर रोकथाम के जानकारी देहे जात हे। गंभीर बीमारी मन के रोकथाम अऊ उपचार बर आज हमार तिर बेहतर स्तर के सुविधा, संसाधन अउ तकनीक उपलब्‍ध हे। मुख्यमंत्री शहरी स्लम स्वास्थ्य योजना जइसे नवा नवा नीति मन के समावेशन ले रोग मन के रोकथाम म सहायता मिले हे।
मुख्यमंत्री शहरी स्लम योजना अंतर्गत जिला म कुल 05 नगरीय निकाय मन म 02 नग मोबाईल मेडिकल यूनिट संचालित हे। जेमे नगरवासी मौसमी बुखार,मलेरिया, एनीमिया, टीबी, सर्दी, खांसी, शुगर, बीपी,के संग गंभीर बीमारी मन के इलाज कराए रोजेच पहुँचत हें। जिहां एक कोति सामान्य बीमारी बर जिला अस्पताल जाके इलाज करवाए म अड़बड़ बेरा लगत रहिस फेर अब उचित इलाज के संग समय के घलोक बचत होवत हे। संगेच सही समय म रोग के पहिचान करके तुरंते उपचार करे जात हे। ये योजना के तहत 429 कैंप के आयोजन हो गए हे। जेमां अब तक 16 हजार 788 मनखे मोबाईल मेडिकल यूनिट ले लाभ लेहे हें, संगेच 5140 लैब टेस्ट अउ 15035 मरीज मन ल दवाई बांटे गए हे। ये योजना के तहत 41 प्रकार के टेस्ट अउ 251 प्रकार जेनेरिक दवइ निशुल्क प्रदान करे जात हे।