दंतेवाड़ा, जिला म राज्य अक्षय ऊर्जा विकास अभिकरण (क्रेडा) विभाग कोति ले सोलर ड्यूल पंप के माध्यम शुद्ध पेयजल उपलब्ध कराए जात हे। गांव के महिला मन ल सुगमता ले पानी उपलब्ध होवत हे। सोलर ड्यूल पंप ले जिहां एक कोति खेती के उत्पादन म बढ़ोतरी होवत हे, उहें दुसर कोति पीए बर स्वच्छ जल मिलत हे। राज्य सरकार के जल जीवन मिशन योजना म जिला दंतेवाड़ा के कई ठन गांव मन म शुध्द पेयजल 9 जगा मन म म सौर संयंत्र स्थापित करके गांव वाले मन के पिए के पानी के बिवस्था करे जात हे। आगू अउ 21 जगा मन म काम चलत हे। जेन जगा म संयंत्र स्थापना करे गए हे उहां लोक स्वास्थ्य यांत्रिकी विभाग ह गांव वाले मन के घर म पाईप लाईन के माध्यम ले पेयजल सप्लाई के काम करत हे, जेखर से गांव वाले मन ल शुध्द पेयजल घरे म मिलत हे। पानी के किल्लत ले जूझत गांव एखर से लाभांवित होवत हे। सोलर ड्यूल पंप के माध्यम ले गांव वाले मन ल पूरा दिन 24 घण्टा पीए के साफ पानी मिलत हे।
बदलत दंतेवाड़ा : सूरज के अंजोर बुझावत हे गांव वाले मन के पियास
