उत्तर बस्तर कांकेर, राज्य सरकार के महत्वकांक्षी योजना नरवा, गरूवा, घुरूवा अऊ बाड़ी अंतर्गत बाड़ी संर्वधन बर जिला कांकेर म सामुदायिक पोषण वाटिका के कार्यक्रम क्रियान्वित करे जात हे, जेमां महिला समूह मन कोति ले अपन घर के बाड़ी म उद्यानिकी विभाग के तकनीकी मार्गदर्शन अऊ मनरेगा के वित्तीय सहयोग ले काम करत हें। बाड़ी विकास घटक म जमीन सफई, समतलीकरण, क्यारी निर्माण, बीज बोआई, पाईप लाईन विस्तार, मण्डप निर्माण के काम करे गए हे।
सुराजी गांव योजना बाड़ी विकास कार्यक्रम के तहत् कांकेर जिला के नरहरपुर विकासखण्ड अंतर्गत ग्राम कन्हनपुरी म 4 सामुदायिक पोषण वाटिका म 29 बाड़ी के चयन करके मनरेगा मद ले 3 लाख 74 हजार 500 रूपिया राशि स्वीकृत होए हे। ग्राम कन्हनपुरी के एक महिला समूह श्रीमती कमलेश्वरी अऊ आन 07 कृषक मन कोति ले महिला मन म कार्यक्रम अंतर्गत स्वीकृत घटक मन के समन्वित काम संपादित करत हें। मनरेगा मद ले साग भाजी बीज जैविक खाद के उपयोग करके सफेद चेंच, लाल चेंच, भिण्डी, लौकी, गिल्की, बरबट्टी अऊ खट्टा भाजी के उत्पादन काम चालू हे जऊन ल स्थानीय बाजार म विक्रय करत हें।
महिला समूह के श्रीमती कमलेश्वरी अऊ आन 07 कृषक मन कोति ले बताइए गीस कि 18 मई 2019 के स्थति म औसतन 500 रूपिया प्रति बाड़ी विक्रय करे गे हे, अभी हाल म मात्र एक बाड़ी म तुड़ाई होए हे जबकि दू बाड़ी म साग भाजी तोड़ना बाकी हे, मने भाजी मात्र ले प्रति बाड़ी 1500 रूपिया के आय एक बाड़ी ले होवत हे। जबकि आन साग भाजी भिण्डी, बरबट्टी, गिलकी ले अकतहा आय अनुमानित प्रति बाड़ी 2000 रूपिया कुल प्रति बाड़ी 5 डेसीमल ले 3500 रूपिया के लाभ होही, जेखर से आर्थिक आय म वृद्धि होवत हे संगेच जैविक साग भाजी अपन के परिवार सदस्य अऊ स्थानीय ग्राहक मन ल घलोक उपलब्ध होवत हे।
