समीक्षा बैठक: बागबाहरा भेंट मुलाकात

महासमुन्द, मुख्यमंत्री श्री भूपेश बघेल महासमुन्द जिला के खल्लारी विधानसभा के बागबाहरा रेस्ट हाउस म अधिकारी मन के समीक्षा बैठक लीन। उमन नरवा, गौठान, रूरल इंडस्ट्रियल पार्क आदि सबो योजना मन के जानकारी गांव वाले मन ल देहे के बात कहिन। उमन राजीव गांधी ग्रामीण भूमिहीन मजदूर न्याय योजना म चर्चा करिन अऊ कहिन कि जेन परिवार छूट गे हे ओखर सर्वे करावव। मुख्यमंत्री ह नरवा कार्यक्रम ल गति देहे अऊ ये योजना के व्यापक प्रचार-प्रसार करे के निर्देश दीन। उमन कहिन कि सरकार के योजना मन के जानकारी आम मनखे मन ल होना चाही। मुख्यमंत्री ह अधिकारी मन ले जिला म नरवा प्रोजेक्ट के स्थिति के जानकारी लीन, ये म सीईओ जिला पंचायत ह बताइस कि ज़िला म 54 प्रोजेक्ट हे। मुख्यमंत्री ह कहिन कि नरवा विकास म तेज़ी ले काम करव अऊ एखर उपयोगिता घलोक बतावव।