कांकेर। जिला के आतुरगांव के तीर म बघवा के गोड़ के चिन्हा मिले ले ग्रामीण मन म दहशत फइल गए हे । मामला के सूचना मिले के बाद मौका म जांच करे बर वन विभाग के कर्मचारी मन पहुंच गए हे ।
बताये जावत कि बालोद जिला के बाद बघवा चारामा के बोथा पहुंचे हे । वहीं आतुरगांव म कुछ लोगन मन बघवा के गोड़ के चिन्हा देखे हे । जेखर बाद मामला के सूचना तुरते वन विभाग ल दे गिस ।
मौका म पहुंचे वन अमला बघवा के गोड़ के चिन्हा के जांच करिस । वहीं सुरक्षा के चलत लोगन मन ल जंगल के डहर नइ जाए बर बोले हे । वहीं, कुछ वन कर्मी ल गांव म तैनात करे हे। फिलहाल मामला म अभी स्पष्ट जानकारी नइ मिल पाए हे ।
बघवा के गोड़ के चिन्हा मिले ले ग्रामीण मन म दहशत, वन अमला मौका म पहुंचीस
