बगीचा के दूनो पहाड़ी कोरवा नोनी मन एकदम स्वस्थ्य: एसडीएम बगीचा सुश्री कुजूर ह नोनी मन ले मिलके लीन स्वास्थ्य संबंधी जानकारी

जशपुरनगर, 19 फरवरी 2021। कलेक्टर श्री महादेव कावरे के मार्गदर्शन अउ अनुविभागीय अधिकारी बगीचा सुश्री ज्योति बबली कुजूर के दिशा-निर्देश म बगीचा म बेहोशी के हालत म मिले दूनों पहाड़ी कोरवा नोनी मन के अस्पताल म उपचार कराए गीस। प्राथमिक उपचार के बाद दुनों नोनी मन अब पूरा स्वस्थ हें। जानबा हे के पाछू दिनन म विकासखंड बगीचा म दू नोनी मन गेहूं के खेत म बेहोशी के हालत म मिले रहिन। प्रशासन ह तुरंते नोनी मन ल अस्पताल म चिकित्सा बर भर्ती कराए रहिस अउ ऊंखर परिवार ल चावल अउ आन राहत सामान देहे रहिन। कलेक्टर श्री महादेव कावरे ह पहिली के निर्देश के मुताबिक जिला के सबो पंचायत मन म 2 कुंटल चांउर जरूरी जमा रखे के अउ अइसन परिवार मन के अविलंब सहायता करे के हिदायत दीन हे। एसडीएम बगीचा सुश्री कुजूर ह नोनी मन ले मिलके ऊंखर स्वास्थ्य संबंधी जानकारी लीन अउ ऊंखर परिवार ल राहत सामान भेंट करिन।