मुंगेली, प्रधानमंत्री जनमन योजना विसेस पिछड़ी जनजाति बैगा परिवार मन के जिनगी म पक्का बदलाव लाए अउ ओमन ल पक्का घर के सुविधा उपलब्ध कराए के दिसा म महत्तम पहल साबित होत हे। योजना के माध्यम ले अइसन बैगा परिवार, जेमन कइ बछर ले कच्चा अउ जर्जर घर म रहे बर मजबूर रहिन, उंखर पक्का अउ सुरच्छित घर के सपना साकार करे जात हे। इही कड़ी म प्रधानमंत्री जनमन योजना के तहत मुंगेली जिला के लोरमी विकासखंड के गांव गुनापुर के रहइया श्री कार्तिक राम बैगा के पक्का मकान खुसी के आशियाना बन गे हे। पक्का मकान बन जाय ले कार्तिक राम के कइ बछर के जुन्ना सपना पूरा होगे हे। कार्तिक राम के परिवार लंबा समय ले कच्चा घर म रहत रहिस। आर्थिक स्थिति कमजोर होय के सेती परिवार बर पक्का घर बनाना एक सपना जइसे रहय। बरसात, मौसम अउ रोजमर्रा के कठिन परिस्थिति के बीच कच्चा घर म परिवार के गुजर-बसर करना चुनौतीपूर्ण बने रहय।
प्रधानमंत्री जनमन योजना के तहत करे गे सर्वे म कार्तिक राम बैगा पात्र पाए गीस। एकर बाद बछर 2023-24 म ओकर घर स्वीकृत करे गीस। योजना ले मिले मदद अउ स्थानीय स्तर म विभागीय मार्गदर्शन ले ओ खुद घर निरमान के काम आगू बढ़ाइस अउ अब ओकर पक्का मकान पूरा होके तइयार हे। आज कार्तिक राम अपन परिवार के संग सुरच्छित अउ सुभीता पक्का घर म रहत हे। कइ बछर ले जेन पक्की छत के उम्मीद रहिस, वो ह प्रधानमंत्री जनमन योजना के माध्यम ले सच साबित होगे। नवा घर ह ओकर परिवार ल सिरिफ सुरच्छित आसरा भर नइ दीस, बल्कि सम्मान, सुरक्षा अउ बेहतर भविष्य के भरोसा घलो दीस। कार्तिक राम ह बताइस के आर्थिक परिस्थिति के सेती पक्का घर बनाना ओकर बर संभव नइ रहिस। प्रधानमंत्री जनमन योजना ले मिले सहायता ह ओकर परिवार के जिनगी म बड़े बदलाव लाए हे। अब ओकर परिवार सुरच्छित घर म बढि़या ढंग ले जिनगी बितवावत हे। ओ ह पीएम आवास योजना के संचालन बर सासन-प्रसासन के आभार जताइस।
प्रधानमंत्री जनमन योजना : बैगा कार्तिक राम के घर बनिस पक्का, कइ बछर के जुन्ना सपना होईस पूरा
