कांकेर। जिला के बांदे थाना क्षेत्र के पाड़ेंगा गांव म बैइगा पास झाड़ फूंक कराये बर आए एक युवक ह सब्बल ले ओखर परिवार पर तबाड़तोड़ हमला कर दिस. जेखर ले एक युवती के मौका म ही मउत होगे, जबकि दूसरा युवती अउ बैइगा गंभीर रूप ले घायल हे. जेखर नजदीक के अस्पताल म इलाज चलत हे.
बता दन कि भूमकाम के निवासी आरोपी संतु उसेण्डी के दिमागी हालत ठीक नई हे. जेखर सेती ओखर झाड़ फूंक कराये बर उंखर घर के मन बैइगा के पास ले गए रहिस.वही दौरान वो ह पाछू ले बैइगा के सर म सब्बल ले हमला कर दिस. बीच बचाव करे बर आइस युवती मन उपर भी आरोपी ह वार कर दिस.
ये हमला म युवती ललिता नरेटी के मौत होगे. बैइगा चैतू राम नरेटी अउ युवती सोमा नरेटी घायल हे. उंखर इलाज जारी हे. घटना के बाद ग्रामीण आरोपी ल रस्सी ले बांध के रखे रहिस अउ एखर सूचना पुलिस ल दिस. मौका म पहुंचे पुलिस ह आरोपी ल गिरफ्तार कर लिस. फिलहाल पुलिस पूरा मामला के विवेचना करत हे.
गुरतुर गोठ बर दिलीप कुमार