कोरिया जिला बैकुण्ठपुर म कठिन परिस्थिति मन म घलोक औसतन 50 हजार श्रमिक मन ल मिलत हे रोजेच रोजगार

बैकुण्ठपुर, 03 मई 2020। वैश्विक महामारी ले जिहां एक तरफ जनजीवन असामान्य होवत हे उहें ग्रामीण क्षेत्र मन म रोजगारमूलक काम मन के सुचारू होए ले आम जीवन सरलग गतिमान हे। ये कठिन हालत म जिला के ग्रामीण क्षेत्र मन म महात्मा गांधी नरेगा ह आम गांव वाले मन ल रोजगार के उपलब्धता देके संबल प्रदान करत हे। आज जिला म रोजेच 45 हजार ले जादा परिवार ल सुनिश्चित रोजगार के माध्यम बनके मनरेगा वोमन ल आर्थिक आधार प्रदान करत हे। ये बात के जानकारी देवत जिला पंचायत के मुख्यकार्यपालन अधिकारी तूलिका प्रजापति ह बताइस के जिला म महामारी ले बचाव बर जम्‍मो उपाय कार्यस्थल म घलोक अपनाए जात हे। कोरिया जिला के 250 ले जादा ग्राम पंचायत म उंखर मांग के मुताबिक रोजगारपरक कार्य ल चालू कराए गए हे। जेमां औसतन 45 हजार परिवार ल रोजगार मिलत हे। जिला पचायत सीइओ तूलिका के बताती सबले जादा श्रमिक बैकुण्ठपुर जनपद पंचायत के अंतर्गत मनरेगा काम म संलग्न हे। इहां करीबन 10 हजार श्रमिक परिवार मनरेगा के तहत काम करत हे। संगेच मनेन्द्रगढ, भरतपुर अऊ खड़गंवा म औसतन 9 हजार श्रमिक रोजाना मनरेगा कार्यस्थल म आवत हें। वनांचल सोनहत म घलोक औसतन 7 हजार ले जादा श्रमिक श्रममूलक काम मन म रोजगार के अपन आजीविका ल सरलग रखे हें।