मछरी पालन के आजीविका ले बैकुंठपुर के दुर्गा स्व सहायता समूह ल होइस दू लाख रूपिया ले जादा के लाभ

कोरिया, 03 जून 2021। विकासखण्ड बैकुण्ठपुर के आदिवासी बाहूल्य ग्राम पंचायत कसरा म जय मां दुर्गा महिला स्व.सहायता समूह के सबो दीदी मन के परिवार व्यक्तिगत रूप ले कृषि अऊ गैर कृषी काम म संलग्न हें अऊ इही इंकर परिवार के आय के एक प्रमुख स्त्रोत घलोक हे। बिहान योजना के तहत जब समूह के महिला मन ल आजीविका के जानकारी प्राप्त होइस तब एखर माध्यम ले मिलइया वित्तीय सहायता अऊ लाभ ल लेके आर्थिक रूप ले उमन अपन परिवार ल मजबूत बनाए के निर्णय लीन।
एनआरएलएम के जिला मिशन प्रबंधक ह बताइस कि समूह के अध्यक्ष लक्ष्मी अऊ सचिव शोभा ह ये गांव म बिहान योजना के तहत सक्रिय महिला के काम घलोक करथें। बिहान योजना ले जुड़े बाद समूह के सबो दीदी मन समूह के सबो नियम के पालन करत समूह ल योजना के माध्यम ले अनुदान के रूप म मिलईया चक्रिय निधि बर विकासखण्ड परियोजना प्रबंधन इकाई (बिहान) बैकुण्ठपुर ल आवेदन प्रस्तुत करके 15 हज़ार रूपिया पाईन। संगेच एक साल के बाद वित्तीय साल 2018-19 म समूह ल सामूदायिक निवेश कोष के राशि 60 हज़ार तको किल गे। ये राशि के उपयोग करत दू दीदी मन ह अपन परिवार के आय बढ़ाए के उदेदश्य ले किराना के दूकान करे के योजना बनाइन अऊ येकर बर पंचायत म आवेदन प्रस्तुत करिन संगेच समूह के दीदी मन ह अपन आय के साधन बढ़ाए के उदेदश्य ले विकासखण्ड परियोजना प्रबंधन इकाई के टीम के मदद ले लोन बर आवेदन तक प्रस्तुत करिन जेखर से समूह ल लोन के रूप म बैंक ले 1.5 लाख रूपिया के सहायता राशि प्राप्त हो गे। ये राशि म ले 50 हज़ार रूपिया के राशि के उपयोग करत समूह ह जनवरी 2020 म मछली पालन के काम चालू करिस। समूह के दीदी मन ल मछली पालन के काम करत एक साल ले जादा हो गए हे। दीदी मन ल ये काम ले बनेच आमदनी घलोक होवत हे। ये काम ले समूह ल एक साल म ही 2 लाख रूपिया ले जादा के आय प्राप्त हो गए हे। जेखर से सबो समूह के दीदी मन अड़बड़ उत्साहित हें।