बालाछापर गौठान के लक्ष्मी स्व-सहायता समूह के महिला मन मोटर ड्राईविंग प्रशिक्षण ले बनत हें आत्मनिर्भर: 20 दिन म ही 23 हजार रुपए के होइस मुनाफा

जशपुरनगर, 13 जुलाई 2021। जशपुर जिला म महिला मन ल ससशक्त बनाए अऊ ओ मन ल आजीविका ले जोड़े बर जिला प्रशासन कोति ले कई ठन गतिविधि संचालित करे जात हे। जेखर अंतर्गत जिला के गौठान मन ले जुड़े स्व-सहायता समूह के महिला मन ल नवाचार के माध्यम ले आत्मनिर्भर बनाए जात हे। जेखर से ओ मन अपन आर्थिक स्थिति ल सुदृढ़ कर सकयं। जिला प्रशासन कोति ले ओ मन ल हर संभव मदद के संगेच मशीन, रा-मेटेरियल संग प्रशिक्षण घलोक प्रदान करे जात हे। जेखर लाभ लेके जशपुर जिला के महिला मन खुद ल स्वावलंबन के दिशा म अग्रसर करे म समर्थ होवत हें।
इही योजना ले बालाछापर गोठान के लक्ष्मी स्व-सहायता समूह के महिला मन ल प्रशासन के माध्यम ले 4 लाख 90 हजार रुपए के राशि ले दू वाहन उपलब्‍ध कराके ओ मन ल मोटर ड्राईविंग प्रशिक्षण केन्द्र चलाय बर प्रोत्साहित करे गीस। महिला मन ह प्रशिक्षण बर बेहतर प्रयास करिन। जेखर से महिला मन ल मात्र 20 दिन म ही कुल 23 हजार रुपिया के मुनाफा होइस।
स्व-सहायता समूह के महिला मन ह जिला प्रशासन ल धन्यवाद ज्ञापित करत कहिन कि ओ मन ल उपलब्‍ध कराए गए वाहन ले वो मन आमदनी अर्जित करना शुरू कर देहे हें। उमन बताइन कि अब तक मोटर ड्राईविंग प्रशिक्षण बर कुल 12 मनखे मन ह अपन पंजीयन कराए हें। प्रशिक्षण बर 3000 रूपिया शुल्क निरधारित करे गए हे। जेखर से कुल 36000 रुपए के राशि मिले हे। महिला मन ह बताइस कि ओ राशि ले उमन वाहन चालक रखे हें जेन ल वो मन 6000 मानदेय घलोक देवत हें। समूह ल पेट्रोल अऊ आन खर्च करके अब तक कुल 23 हजार रुपए के बचत हो गए हे।
समूह के महिला मन ह बताइन कि ओ मन ल आय ले जोड़े बर प्रशासन कोति ले बहुत ही अच्छा विकल्प देहे गए हे। जेखर से स्व-सहायता समूह के महिला मन ल रोजगार मिले हे संगेच एखर माध्यम ले दू वाहन चालक मन ल घलोक रोजगार ले जोड़े गए हे। उमन बताइन कि ड्राईविंग प्रशिक्षण बर सरलग पंजीयन आवत हे। जेखर से ओ मन ल अऊ घलोक आमदनी होए के अनुमान हे।