तेल अऊ खरी बेंच के मात्र दू महिना म 56 हजार 144 रूपिया के आमदनी
अब परिवार के हर छोटे-बडे़ काम म अपन सहयोग देवत हें महिला मन
छत्तीसगढ़ शासन अऊ जिला प्रशासन ल गौठान म कई गतिविधि के संचालन करे बर दीन धन्यवाद
जशपुरनगर, जिला म महिला मन ल सशक्त बनाए अऊ ओ मन ल आर्थिक रूप ले मजबूत करे खातिर जिला प्रशासन ह गोठान म कई ठन गतिविधि सचालित कर के स्व-सहायता समूह मन ल आत्मनिर्भर बनावत हे। इही कड़ी म बालाछापर गोठान के सखी स्व-सहायता समूह के महिला मन ल जिला प्रशासन कोति ले तेल पेराई के प्रशिक्षण प्रदान करे गए हे। जेखर पाछू गोठान म ही सखी स्व-सहायता समूह के महिला मन ल मशीन देहे गए हे। आज समूह ले जुड़े महिला मन दू महिना म तेल पेराई, खरी विक्रय, तेल विक्रय करके 56 हजार 144 रूपिया के आमदनी पाए हें।
समूह के महिला मन ह बताइन कि तेल पेराई बर उमन अब तक 11 कुंटल सरसो के बीज बिसाए रहिन जेकर से कुल 210 लीटर तेल मिलिस। अब तक उमन कुल 154 लीटर तेलबेंच के 33500 रूपिया कमाए हें। उमन बताइन कि तेल पेराई के बाद खरी मिलथे जेखर घलोक बनेच मांग हे। उमन बताइन कि अब तक 7 कुंटल खरी के विक्रय घलोक इमन करे हें। जेखर से ओ मन ल 15144 रूपिया के राशि प्राप्त होए हे। गांव वाले मन घलोक तेल के पेराई बर गौठान आथें। जेखर से ओ मन ल 7500 रूपिया के लाभ होए हे।
समूह के महिला मन ह बताइन कि ऊंखर समूह म 10 महिला हे। जेन 05 अपै्रल 2022 ले तेल पेराई के काम करके अपन परिवार ल आर्थिक रूप ले मदद करत हे।
