मुख्यमंत्री श्री विष्णु देव साय बालाजी मंदिर प्रांगण म श्रीमद्-भागवत कथा म होइन सामिल

रायपुर 28 दिसंबर 2023। मुख्यमंत्री श्री विष्णु देव साय आज जशपुर प्रवास के समय बालाजी मंदिर प्रांगण म आयोजित श्रीमद्-भागवत कथा म सामिल होइन। उमन भगवान बालाजी के आशीर्वाद लेके कथा म मौजूद मनखे मन ल संबोधित करिन। श्रीमद्-भागवत कथा म उपस्थित जन ल सम्बोधित करत मुख्यमंत्री श्री साय ह कहिन कि मां चंडी, मां खुड़िया रानी अऊ स्वर्गीय श्री दिलीप सिंह जूदेव के आशीर्वाद ले जशपुर के ये बेटा ल सीएम के रूप म काम करे के अवसर मिले हे। उमन कहिन कि मुख्यमंत्री बने के बाद पहली पइत जशपुर आए हंंव। में बालाजी भगवान, खुड़िया रानी अउ सबो जशपुरवासी मन ल प्रणाम करत हंंव। आप मन के आशीर्वाद ले अतका बड़ जिम्मेदारी मिले हे। ये पद के जिम्मेदारी बने सहिन निभा पावंव ये सब आप मन के आशीर्वाद ले ही संभव होही। ये बेरा म विधायक श्रीमती रायमुनि भगत अउ श्रीमती गोमती साय, आन जनप्रतिनिधिगण संग भारी संख्या म नागरिकगण मौजूद रहिन।