मुख्यमंत्री श्री भूपेश बघेल ह करिस बालाजी मेट्रो हॉस्पिटल के शुभारंभ

अत्याधुनिक सुविधा ले सुसज्जित सुपर स्पेशिलिटी हॉस्पिटल म मरीज मन ल मिलही एडवांस कैथ लैब अउ आईसीयू के सुविधा
रायपुर, मुख्यमंत्री श्री भूपेश बघेल ह आज रायगढ़ जिला म श्री बालाजी मेट्रो हॉस्पिटल के नवनिर्मित भवन के शुभारंभ करिस। 400 बिस्तर के ए सुपर स्पेशलिटी हॉस्पिटल म मरीज मन ल अब एडवांस कैथ लैब, आईसीयू के सुविधा मिलही।
    बालाजी हॉस्पिटल म 12 वेंटीलेटर के संग 70 बिस्तर के एडवांस आईसीयू सेटअप तइयार करे गय हे, जेकर से जिला के तिर तखार के गंभीर मरीज मन ल बेहतर इलाज सुविधा मिलही। ए अस्पताल म एडवांस कैथ लैब घलो स्थापित करे गय हे जेकर ले दिल के बीमारि ले जुड़े मरीज मन ल जादा बढ़िया इलाज मिल सकही।
    बालाजी सुपर स्पेशलिटी अस्पताल म एक्मो मशीन के संग रेस्पिरेटरी विभाग, आधुनिक डायलिसिस मशीन, नेफ्रोलॉजी विभाग, एडवांस गैस्ट्रो विभाग, न्यूरोलॉजी अउ यूरोलॉजी विभाग सकेत शुगर जांच के पर्याप्त सुविधा उपलब्ध हे।
    ए अवसर म स्कूल शिक्षा मंत्री श्री प्रेमसाय सिंह टेकाम, खाद्य मंत्री श्री अमरजीत भगत, खेल अउ उच्च शिक्षा विभाग के मंत्री श्री उमेश पटेल, पूर्व सांसद श्री नंदकुमार साय, रायगढ़ विधायक श्री प्रकाश नायक, चंद्रपुर विधायक श्री राम कुमार यादव, रायगढ़ नगर निगम महापौर श्रीमती जानकी काटजू समेत जनप्रतिनिधि अउ अधिकारी मन ह उपस्थित रहीस हे।