रायपुर, तोपचंद के बताती राजधानी म एक पइत फेर जनाकारी के घटना आगू आए हे। रायपुर के अमलीडीह इलाका म एक सैलून संचालक ह अपन घरवाली के मदद ले अपन इहां काम करइया रिसेप्शनिस्ट ल अपन हवस के शिकार बनाए हे। मामला म पुलिस ह आरोपी अनिल गुप्ता, उत्तम सेन अऊ ओखर घरवाली हिना ल गिरफ्तार कर लेहे हे।
एडिसनल एस पी (शहर) प्रफुल ठाकुर ह बताइस कि उत्तम सेन अऊ अनिल गुप्ता ह अमलीडीह इलाका म स्टाइलिश सैलून चलाथे। सैलून म एक लड़की रिसेप्शनिस्ट के पद म कार्यरत रहिस। घटना 9 जनवरी के हे, सैलून म बाथरूम नइ होए के सेती वो उत्तम सेन के घर जावत रहिस। अइसनहे घटना वाले दिन घलोक वो उत्तम के घर गइस, ए बेरा म उत्तम घरे म रहिस अऊ रिसेप्शनिस्ट ल बाथरूम जात देख के हिना ह दरवाजा के कुंडी झट ले लगा दीस अऊ ओखर बाद उत्तम ह रिसेप्शनिस्ट संग दुष्कर्म करिस।
लड़की के बलात्कार करे के बाद आरोपी ह धमकी दीस कि कहूँ ओ हर कोनो ल कुछ बताइस त अच्छा नइ होही। एखर बाद पीड़िता ह धमकी ले डर के कुछ दिन शांत रहीस, फेर बाद म अपन परिजन मन ल घटना के संबंध म बता दीस। परिवार वाले मन के हिम्मत देहे म एखर शिकायत पुलिस ले करे गइस। राजेंद्र नगर थाना म तीनों आरोपी मन के खिलाफ भारतीय दंड विधान के धारा 354, 376, 34 ,3 ( 2) एससी एसटी एक्ट के तहत मामला दर्ज कराए गए हे। पुलिस ह तीनों आरोपी मन ल गिरफ्तार कर लेहे हे, अऊ उंखर से पूछताछ करे जात हे।
