बलौदाबाजार, छत्तीसगढ़ शासन अउ मुख्यमंत्री भूपेश बघेल कोति ले सुरू करे गए महत्वाकांक्षी योजना हाट बाजार क्लीनिक योजना के क्रियान्वयन जिला म सर्वोच्च प्राथमिकता ले करे जात हे। ये सम्बंध म आज जानकारी देवत जिला मुख्य चिकित्सा अउ स्वास्थ्य अधिकारी डॉ एम पी महिस्वर ह बताइस के ये साल जनवरी ले लेके आज दिनांक तक सिरिफ चार महीना म ही कुल 38 हजार 750 मरीज मन के कई प्रकार के स्वास्थ्य जांच करके लाभांवित कराए गए हे। एखर तहत विकासखण्ड बलौदाबाजार म 7 हजार 230 भाटापारा म 6 हजार 127 बिलाईगढ़ म 5 हजार 383 कसडोल म 6 हजार 645,पलारी म 6 हजार 330 अऊ सिमगा 7 हजार 35 मनखे मन ह ये योजना के लाभ लेहे हें। जिला म ये योजना अंतर्गत हर एक विकासखंड म छै हाट बाजार मने कुल 36 जगा चिन्हित करे गए हे। जेमां मोबाइल मेडिकल टीम जाके अपन सेवा प्रदान करथे। क्लीनिक म मलेरिया, डेंगू, हिमोग्लोबिन, रक्तचाप, शुगर, गर्भवती माता मन बर एचआईवी वीडीआरएल परिवार नियोजन संबंधित प्रेगनेंसी,नेत्र परीक्षण, कुष्ठ, टीबी के जांच करे जाथ। परामर्श घलव देहे जाथे संगेच जरूरी दवइ के घलोक वितरण होथे। कलेक्टर डोमन सिंह के प्रयास ले हर एक हाट बाजार म क्लीनिक के संचालन बर एक स्थायी कक्ष के घलोक निर्माण जिला खनिज न्यास निधि ले करे जात हे। जेमां ले बलौदाबाजार के ग्राम पौसरी म ये तियार घलोक हो गए हे। जेखर जल्दीच मुख्यमंत्री के हाथ लोकार्पण करे जाही।
लउछरहा..
बलौदाबाजार: चिरायु योजना ले संवरत हे जिंदगी, 6 बछर के श्रेया अब सुन पाही अवाज
February 14, 2024 Surabhi Tiwari Comments Off on बलौदाबाजार: चिरायु योजना ले संवरत हे जिंदगी, 6 बछर के श्रेया अब सुन पाही अवाजबलौदाबाजार,14 फरवरी 2024। कलेक्टर श्री चंदन कुमार के निर्देश म स्कूल अऊ आंगनबाड़ी केंद्र मन म...महतारी वंदन योजना महिला मन बर बनही अकतहा कमई के जरिया
February 6, 2024 Surabhi Tiwari Comments Off on महतारी वंदन योजना महिला मन बर बनही अकतहा कमई के जरियाबलौदाबाजार, 06 फरवरी 2024। बलौदाबाजार जिला के कसडोल विकासखण्ड के ग्राम बल्दाकछार निवासी विशेष पिछड़ी जनजाति...महतारी वंदन योजना के लाभ लेहे महिला मन म दिखत हे भारी उछाह
February 6, 2024 Surabhi Tiwari Comments Off on महतारी वंदन योजना के लाभ लेहे महिला मन म दिखत हे भारी उछाहबलौदाबाजार, 06 फरवरी 2024। योजना के लाभ लेहे बर प्रदेश के महिला मन म भारी उछाह...