महिला मेट बनके बलेश्वरी बनिस महिला मन के प्रेरणास्त्रोत

रायगढ़, किसान परिवार ले संबंध रखे अउ किसानी के माध्यम ले अपन परिवार के आजीविका चलइया ग्राम पंचायत पोड़ीछाल निवासी श्रीमती बलेश्वरी सिदार आज महात्मा गांधी नरेगा म मेट के रूप म काम करके अपन परिवार के आय म अपन महत्वपूर्ण योगदान देवत हे। श्रीमती सिदार एक मेहनती अउ साहसी महिला हे एकर उदाहरण हे कि वो ह कोरोना संक्रमण के दौर म घलोक रोजगारमूलक महात्मा गांधी नरेगा के काम मन के संचालन म अपन अहम योगदान देहे हे। इही कारण हे कि आज श्रीमती बलेश्वरी सिदार ग्राम पंचायत पोड़ीछाल के महिला मन बर प्रेरणा स्त्रोत बन गए हे। श्रीमती सिदार के प्रयास के फलस्वरूप ग्राम के महिला मन म योजना मन के प्रति जागरूकता अऊ महिला सशक्तीकरण के दिशा म विस्तार होवत हे।
जनपद पंचायत धरमजयगढ़, जिला-रायगढ़ म महात्मा गांधी राष्ट्रीय ग्रामीण रोजगार गारंटी योजनान्तर्गत कई महत्वपूर्ण काम संपादित करे जात हे। सबो ग्राम पंचायत मन म न केवल स्थायी परिसंपत्ति के निर्माण होवत हे, संगेच मनखे मन के आजीविका म बढ़ोतरी घलोक होवत हे अउ गांव वाले मन के अर्थव्यवस्था म बदलाव आवत हे। इही कड़ी म जनपद पंचायत धरमजयगढ़ के ग्राम पंचायत पोड़ीछाल म घलोक महात्मा गांधी नरेगा योजनांतर्गत कुल 336 पंजीकृत परिवार हे। वित्तीय साल 2020-21 म ग्राम पंचायत पोड़ीछाल के कुल सक्रिय 135 परिवार ल 12 हजार 164 मानव दिवस के रोजगार उपलब्‍ध कराए गए हे। ग्राम पंचायत पोड़ीछाल म मनखे मन के बीच महात्मा गांधी नरेगा के प्रति जागरूकता लाय के काम मेट के रूप म कार्यरत श्रीमती बलेश्वरी सिदार ह प्रभावी अउ निष्ठापूर्वक करत हे। श्रीमती बलेश्वरी सिदार स्व-सहायता समूह सदस्य मेट के रूप म पाछू दू बछर ले अपन सेवा देवत हे।
श्रीमती बलेश्वरी सिदार ह मनखे मन ल महात्मा गांधी नरेगा योजना के लाभ अऊ काम के प्रति जागरूक करत हे, जेखर से महात्मा गांधी नरेगा काम मन म मनखे मन के भागीदारी म बढ़ोतरी करे जा सकय। वित्तीय साल 2019-20 म ग्राम पंचायत पोड़ीछाल म कुल 5116 सृजित मानव दिवस रहिस, उहें मेट श्रीमती बलेश्वरी सिदार के उदीम अऊ मेहनत ले वित्तीय साल 2020-21 म सृजित मानव दिवस 12 हजार 164 हो गए हे। जेमां महिला मन के मजदूरी सृजित मानव दिवस 5885 हे। आंकडा ले स्पष्ट रूप ले देखे जा सकत हे कि महात्मा गांधी नरेगा योजनांतर्गत मेट के रूप श्रीमती सिदार ह सराहनीय काम करत हे।