मुख्यमंत्री ह बेटी मन ल राष्ट्रीय बालिका दिवस के दीन बधाई

रायपुर, 23 जनवरी 2021। मुख्यमंत्री श्री भूपेश बघेल ह 24 जनवरी राष्ट्रीय बालिका दिवस के अवसर म सबो बेटी मन ल बधाई अऊ ऊंखर उज्जवल भविष्य बर शुभकामना देहे हें। उमन अपन बधाई संदेश म कहे हें कि ये दिन नारी शक्ति के चिन्‍हारी के दिन ये। आजे के दिन हमला इंदिरा गांधी के रूप म देश के पहली महिला प्रधानमंत्री मिले रहिस। श्री बघेल ह कहिन कि राज्य सरकार बालिका मन ल बेहतर स्वास्थ्य, शिक्षा, अऊ सुरक्षित माहौल देहे बर बाना उचाए हे। आज बेटी मन हर क्षेत्र म अपन कदम बढ़ावत हें। बेटी मन के सशक्तिकरण के संग हमला ओ मन ल सुरक्षित अऊ सहज माहौल देहे के घलोक जरूरत हे। एखर बर समाज ल जादा जागरूक होए के जरूरत हे। उमन सबो बालिका मन ले कहिन के खूब पढ़यं , निडर होके आगू बढ़यं अऊ अपन सपना ल साकार करयं, राज्य सरकार के सहयोग हमेशा ऊंखर संग हे।