रायपुर, 18 मई 2024। संचालक नगर अउ ग्राम निवेश के सहायक संचालक (सर्वे) बालकृष्ण चौहान अउ नगर अउ ग्राम निवेश, क्षेत्रीय कार्यालय अंबिकापुर के सहायक मानचित्रकार नीलेश्वर कुमार ध्रुव ल तुरंते निलंबित कर देहे गए हे।
संचालनालय नगर अउ ग्राम निवेश कार्यालय ले जारी आदेश के मुताबिक ए दुनों के विरूद्ध घूस लेहे के अपराध म एन्टी करप्शन ब्यूरो ह इमन ल गिरफ्तार कर के इंखर विरूद्ध धारा-7, पी.सी. एक्ट, 1988 संशोधित 2018 के तहत अपराध पंजीबद्ध करे रहिस। ते पाए के बालकृष्ण चौहान, सहायक संचालक (सर्वे) अउ नीलेश्वर कुमार ध्रुव, सहायक मानचित्रकार, नगर अउ ग्राम निवेश, क्षेत्रीय कार्यालय अंबिकापुर ल छत्तीसगढ़ सिविल सेवा (वर्गीकरण, नियंत्रण अउ अपील) नियम, 1966 म निहित प्रावधान के अंतर्गत तुरंत प्रभाव ले निलंबित करे गए हे। निलंबन अवधि म मूलभूत नियम के अंतर्गत नियमानुसार जीवन निर्वाह भत्ता देय होही। निलंबन अवधि म बालकृष्ण चौहान, सहायक संचालक (सर्वे) अउ नीलेश्वर कुमार ध्रुव, सहायक मानचित्रकार के मुख्यालय, कार्यालय संयुक्त संचालक, नगर अउ ग्राम निवेश, बिलासपुर निरधारित करे गए हे।
